• |
ide | kryesore

Champions, Ancelotti në gjysëmfinalen e tij të nëntë: “Real Madrid nuk vdes kurrë”

-Instant, Sport



Real Madridi është rikthyer në gjysmëfinale të Ligës së Kampionëve, por për të arritur aty ka përjetuar një mbrëmje shumë të vështirë në shtëpi ndaj Chelsea, duke shpërdoruar fillimisht avantazhin e marrë në Londër dhe, më pas, duke u ngritur për të gjetur golat e kualifikimit në finale. “Ne vuajtëm shumë – komentoi Carlo Ancelotti në fund të ndeshjes – por Real Madridi nuk vdes kurrë. Bernabeu është magjik dhe të çon të bësh gjëra që shumë pak mund t’i bëjnë”.

Pavarësisht nisjes nga 3-1 në Londër, u deshën kohët shtesë për të kaluar në gjysëmfinale: “Ishte një ndeshje e barabartë edhe pas sfidës së parë – vazhdoi Ancelotti në fund të takimit – Chelsea është i strukturuar dhe na ka përballur duke luajtur në mënyrë të barabartë. Ne ishim konkurrues dhe bëmë diçka më mirë për të shkuar në gjysmëfinale”.

Vendimtare veprimet e Modric dhe Benzema: “Karim është kampion, por kundër Chelsea nuk mjaftoi vetëm ai. Për mua ata janë të gjithë shumë të mirë, sot do të thosha edhe Camavinga, Kroos e të tjerët. Modric ishte i mrekullueshëm, sidomos me atë asist”.



Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *