Policia e Durrësit ka bërë parandalimin e një ngjarje kriminale dhe arrestimin e një 45-vjeçari për dhunë në familje. Mësohet se policia ka sekuestruar 1 armë zjarri kallashnikov, 1 armë e ftohtë (thikë) dhe municion luftarak. Në pranga ka rënë shtetasi E. LL., 45 vjeç, banues në lagjen nr.18 Durrës, i cili ushtronte dhunë ndaj bashkëshortes së tij, si dhe kishte edhe armë zjarri në banesë, duke i rrezikuar kështu jetën bashkëshortes.
Shtetasi E. Ll. ushtronte dhunë psikologjike ndaj bashkëshortes së tij dhe gjatë ndërhyrjes së Policisë, iu gjet dhe iu sekuestrua ,në cilësinë e provës materiale, 1 armë zjarri kallashnikov, një sasi municioni luftarak dhe 1 armë e ftohtë (thikë).
Materialet hetimore i kaluan Prokurorisë pranë Gjykatës së Rrethit Gjyqësor Durrës për veprat penale: “Dhuna në familje”, “Mbajtja pa leje dhe prodhimi i armëve , armëve shpërthyese dhe i municionit” dhe “Prodhimi, mbajtja , blerja apo shitja pa leje e armeve te ftohta”