Aktori i njohur Cuba Gooding Jr. u deklaruasë fundmi fajtor për një akuzë për ngacmim seksual.
Deklarimi i fajësisë erdhi gati tre vjet pas arrestimit të Gooding në çështjen që pati disa vonesa pasi avokatët e tij kërkuan të reduktonin ose pushonin akuzat. Ishte planifikuar të dilte në gjyq të paktën dy herë, me një datë gjyqi të prillit 2020 të shuar pasi rastet e koronavirusit u rritën në Nju Jork dhe shteti mbylli shumicën e çështjeve gjyqësore.
Gooding arrestua në qershor 2019 pasi një grua 29-vjeçare i tha policisë se ai i preku gjoksin pa pëlqimin e saj në Magic Hour Rooftop Bar & Lounge pranë Times Square.Disa muaj më vonë,aktori u akuzua në dy raste të tjera pasi më shumë gra u paraqitën për ta akuzuar për abuzim. Akuzat e reja pretendonin se ai i shtrëngoi të pasmet një gruaje në TAO Downtown dhe preku me forcë një grua në mënyrë të papërshtatshme në klubin e natës LAVO New York, të dyja në vitin 2018.Cuba u deklarua fajtor për akuzat për klubin e natës LAVO.
Ai më parë ishte deklaruar i pafajshëm për gjashtë akuzae dhe mohoi të gjitha akuzat për keqbërje. Avokatët e tij kanë argumentuar se prokurorët të kapur nga entuziazmi i lëvizjes #MeToo, po përpiqen t’i kthejnë “gjestet e zakonshme” ose keqkuptimet në krime.
Gjykatësi kishte vendosur që nëse çështja Gooding do të shkonte në gjyq, prokurorët mund të thërrisnin dy gra për të dëshmuar në lidhje me pretendimet e tyre se kishte abuzuar me to. Gratë, pretendimet e të cilave nuk rezultuan në kallëzime penale, ishin në mesin e 19 akuzuesve të tjerë që prokurorët kërkonin t’i thërrisnin si dëshmitarë.
Së bashku me çështjen penale, fituesi i ‘Oscars’ akuzohet në një padi për përdhunimin e një gruaje në New York në vitin 2013./Lapsi.al