Edhe pse kanë kaluar më shumë se dy javë qënga incideti i Will Smith dhe Chris Rock në ceremoninë e Oscars, e vërteta është se shuplaka e aktorit për komedianin është ende një temë e nxehtë.
Ajo që askush nuk mund ta imagjinonte është se pas incidentit ka pasur përfitime financiare për të përfshirët.
Edhe pse Will Smith ka dalë keq nga incidenti, pasi Akademia e Hollivudit e ka ndaluar për dhjetë çmimet e ardhshme, Netflix ka pezulluar ‘Fast and Loose’ dhe Sony shtyu ‘Bad Boys 4’, të ardhurat e tij janë rritur pas ngjarjes.
Arsyeja fshihet në ‘Will’, kujtimet e tij të botuara dhjetorin e kaluar. Ai është kthyer në një nga librat më të kërkuar në Shtetet e Bashkuara, siç raportohet nga revista ‘Forbes’, në fakt, në renditjen e llogarive të ‘New York Times’ ka kaluar nga e 14-ta në vendin e dytë.
Interesi i ngjallur nga autobiografia e Smith shpjegohet nga kapitujt në të cilët aktori rrëfen aspekte të tilla si mendimet e tij për vetëvrasje apo marrëdhëniet komplekse me të atin, të cilin e adhuronte, por njëkohësisht e urrente për dhunën me të cilën trajtonte nënën e tij.
“Babai im abuzoi nënën time, por në të njëjtën kohë, ai ishte gjithashtu një nga njerëzit më të mirë që kam njohur ndonjëherë. Ky është një konflikt që të godet me të vërtetë sepse mendon, ‘A nuk duhet të urresh dikë që keqtrajton nënën tënde? ‘ M’u deshën vite dhe vite që të mund ta përpunoja atë dikotomi”, shpjegoi ai në ‘El Hormiguero’.
Nga ana tjetër,Chris Rock, i cili që në momentin e parë nuk pranoi të denonconte Will Smith, ka ditur të përfitojë nga shuplaka, pasi shfaqjet e tij humoristike janë shitur kudo që ai shkon që atëherë.Qoftë për shkak të kuriozitetit që ngjall apo për shkak të biznesit, e vërteta është se publiku nuk dëshiron të humbasë monologët e tij, edhe pse, me shaka , Rock ka treguar qëllimet e tij.
“Jam mirë, kam një shfaqje të plotë dhe nuk do të flas për të derisa të paguhem. Jeta po më trajton mirë. E ktheva publikun tim. Në një moment do të flas për këtë. Dhe do të jetë serioze”, deklaroi komediani./Lapsi.al