• |
ide | kryesore

Ish-këshilltari holandez i Etilda Gjonajt i shkruan letër Ramës: Drama që përjetova në Spitalin e Traumës, këtu njerëzit mund të vdesin më kot

-Instant, Arkiva, Lajme, Të fundit

Një shtetas holandez që punon si ekspert ndërkombëtar në fushën e riedukimit dhe që ka shërbyer gjithashtu si këshiltar në Shqipëri për Ministrin e Drejtësisë përgjatë viteve 2018-2020 kur ky institucion drjetohej nga Etilda Gjonaj, i ka dërguar një letër kryeministrit Edi Rama, përmes së cilës i rrefen incidentin që i ndodhi disa ditë më parë në Tiranë dhe më pas dramën që përjetoi në Spitalin e Traumës, raporton Lapsi.al

Ton Daans u rrëzua në një prej trotuarëve të lëna pas dore në kryeqytet duke pësuar plagë të rënda në ballë, hundë dhe në krahun e djathtë. Trajtimi mjekësor në Spitalin e Traumës ishte një ferr për të, për shkak të kushteve të këqija dhe infrastrukturës së dobët që dëshmon rrënimin e sistemit shëndetësor shqiptar.  Mes asaj që përshkruan eksperti holandez dhe propagandës së Edi Ramës ka një kontrast shumë të madh. Lapsia.al sjell më poshtë të plotë letrën e tij drejtuar Edi Ramës. 


Letër e hapur Kryeministrit të Republikës së Shqipërisë

I dashur zoti Edi Rama,

Emri im është Ton Daans. Jam një shtetas holandez, ish drejtor burgu në pension dhe që nga viti 2017, ndër vende të tjera kam ardhur edhe në Shqipëri, si ekspert jorezident në fushën e riedukimit. Kam qenë i përfshirë në disa projekte dhe, në vitet 2018, 2019 dhe 2020, kam qenë ‘këshilltar personal ndërkombëtar për burgjet’ i ministrit shqiptar të Drejtësisë.

Kjo letër nuk ka të bëjë me mua, por po përdor një ngjarje (të rëndë) private që më ka ndodhur së fundmi për t’ju drejtuar shqetësimet e mia, jo përsa i përket gjendjes së burgjeve, por gjendjes së sistemit shëndetësor në vendin tuaj.

Dua të ndaj përvojën tim dramatike me ju. Gjithashtu, dëshiroj ta ndaj atë me ministrin shqiptar të shëndetësisë, me ambasadorin holandez në Shqipëri, kryesuesin e delegacionit të Bashkimit Evropian, komisionin parlamentar shqiptar për kujdesin shëndetësor, partinë shqiptare në pushtet, opozitën politike, shoqërinë civile shqiptare si dhe me disa media shqiptare. Jam i bindur që përvoja ime me shumë gjasa është e ngjashme dhe e krahasueshme me përvojat e shumë bashkëqytetarëve tuaj shqiptarë. E di që nuk jam shtetas shqiptar, por pas asaj përvoje më qau zemra për të gjithë shqiptarët. Cili është shkaku i drejtpërdrejtë që po shpreh këto shqetësime?

Të shtunën e datës 16 prill 2022, në orët e vona të mbrëmjes, u lëndova pas një rrëzimi në një nga trotuaret e shumta të lëna pas dore në qytetin e Tiranës. Pata lëndime të rënda në ballë, në hundë dhe në krahun e djathtë.

Aksidenti më ndodhi në cep të kryqëzimit të Bulevardit Zogu I dhe Rrugës Reshit Petrela. Pas këtij incidenti, një miku im shumë i mirë personal (me njohje të mirë të gjuhës angleze) më çoi në një spital të traumës, të quajtur ‘Spitali Universitar i Traumës’, në departamentin ‘Urgjenca e Traumës’. Qëndrova në atë spital për disa orë dhe mu duk sikur isha kthyer prapa në histori. Sikur po udhëtoja përmes një ‘makine të udhëtimit në kohë’ në vitet gjashtëdhjetë (holandeze) të shekullit të kaluar.

I dashur zoti Edi Rama, le t’jua tregoj përvojën time në atë spital duke ju kërkuar, me dashamirësi, t’a merrni atë parasysh nga një këndvështrim i caktuar. Dikur, rusi i madh Fjodor Dostojevski ka shkruar se “shkalla e qytetërimit në një shoqëri mund të gjykohet duke hyrë në burgjet e saj”. Jam plotësisht dakord me përmbajtjen e këtij citimi dhe, për mendimin tim, termi ‘burgje’ mund të zëvendësohet edhe me institucione të tjera shërbimesh sociale të shoqërisë, si institucionet psikiatrike apo dhe spitalet e përgjithshme. Kujdesi shëndetësor, ashtu sikurse çështje të tjera thelbësore si p.sh. Shteti i së Drejtës, është një nga shtyllat esenciale të ndërtimit të një shoqërie të mirëbalancuar e të civilizuar. Ai është një ndër parakushtet e mirëqenies së të gjithë qytetarëve në një shoqëri.

Po ju bëj një përshkrim shumë të detajuar, pasi mendoj se është e nevojshme të më kuptohen shqetësimet si dhe përfundimet/konsideratat që po parashtroj, megjithëse supozoj se jeni plotësisht i vetëdijshëm për ekzistencën e shumë pikave të dobëta në sistemin shëndetësor shqiptar. Për më tepër, dua të theksoj se nuk po fajësoj stafin mjekësor të spitalit. Jam i bindur se mangësitë sistemike dhe organizative janë shkaku i “të metave” dhe i cilësisë së dobët të shëndetësisë shqiptare. Vërejtja ime kryesor ishte se stafi duhet të ofrojë kujdes shëndetësor të mirëkoordinuar, ndërkohë që kushtet e spitalit nuk e lejonin një gjë të tillë. Këto kushte ishin të vjetëruara. Stafi mjekësor ishte i detyruar të mjaftohej me atë që kishte. Ai përballej dukshëm me mangësi sistemike. Çka është një fakt klinik!

Së pari, dëshiroj t’ju paraqes disa fakte (klinike) dhe disa vërejtje personale:

1) Gjatë vizitës time në spital takova shumë infermierë dhe disa mjekë. Vetëm njëri mjek (kirurg i përgjithshëm) e kuptonte mirë gjuhën angleze. Nëse nuk do të isha i shoqëruar nga miku im personal shqiptar, çdo bisedë normale me personelin mjekësor në këtë spital universitar do të ishte e pamundur për shkak të pengesës së dukshme gjuhësore;

2) Në departamentin e urgjencës që vizitova nuk kishte pajisje kompjuterike dhe informacionet rreth meje, si lëndimet etj. u shkruan me dorë në ca blloqe të mëdhenj;

3) Nuk kishte letër higjienike për pacientët, si dhe nuk kishte ujë të pijshëm;

4) Në banjë nuk kishte ujë në rezervuarin e WC-së;

5) Gjatë trajtimit tim privatësia ime (si pacient) nuk u respektua absolutisht;

6) Në departamentin e radiologjisë ata përdorën një aparat me rreze X, që dukej të ishte blerë shumë dekada më parë;

7) Si pacient në dhomën e radiologjisë mu desh të gjunjëzohesha në pllakat e dyshemesë për të vendosur krahun tek aparati sepse nuk kishte karrige apo stola të përshtatshëm për ta bërë këtë ulur. Në moshën 68-vjeçare dhe i lënduar rëndë, kjo ishte një ‘torturë’, një ferr i vërtetë;
8) Pasi qepa plagët, mu desh të qëndroja në një lloj dhomë vëzhgimi, por shtrati që përdora nuk kishte çarçafë të pastër;
9) Për shkak se një mjek kishte diagnostikuar një frakturë në krahun tim të djathtë, krahu u fut në allçi. Gjatë këtij procesi u intervistova edhe nga punonjës policie për aksidentin dhe procesi u desh të ndërpritej për një kohë të shkurtër sepse punonjësit e policisë kishin nevojë për nënshkrimin tim;

10) Në spital nuk kishte fasho (nga ato që përdoren për të mbajtur krahun e dëmtuar të futur në allçi) dhe mu desh ta blija në një farmaci të qytetit.

11) Kërkova disa herë një dokument mjekësor për t’ia dorëzuar mjekut tim të familjes në Holandë. Pas disa refuzimesh, më në fund një infermiere (e një ambulance që ishte aty), e cila nuk ishte në procesin e trajtimit tim, shkroi disa informacione në një fletë jozyrtare. Shënimet ishin shkruar me dorë dhe ‘dokumenti’ nuk kishte as datë, as firmë dhe as vulë. Në këtë letër kishte dy diagnoza dhe unë vura re se një nga diagnozat binte ndesh me diagnozën e parë (të shprehur gojarisht) të kirurgut të përgjithshëm; në fakt diagnoza e shkruar me dorë ishte e kundërta e diagnozës verbale që më paraqiti kirurgu i përgjithshëm. Do shkruaj më poshtë rreth kësaj teme më vonë;

12) U thashë disa herë në spital se përdorja hollues gjaku çdo ditë, pas një embolie pulmonare spontane, jo të lidhur me Covid, që kam kaluar në dhjetor 2020; edhe për këtë do të shkruaj më poshtë;

13) Grafitë me rreze X i mora me vete në Holandë (me lejen e personelit mjekësor);

14) Një nga anëtarët e stafit mjekësor më pyeti nëse kishte mjek holandez në Ambasadën Hollandeze në Tiranë. Nuk e kuptova pse ma bëri këtë pyetje.

Së dyti, për shkak të aksidentit dhe lëndimeve mu desh të ndërpres misionin dhe të kthehem në vendlindje të hënën më 18 prill, më herët nga sa ishte planifikuar. Pas kthimit në vendlindje, Eindhoven, kontaktova menjëherë një specialist traumash në spitalin tonë lokal. Dua të ve në dukje disa përfundime të jashtëzakonshme të këtij specialisti në spitalin holandez:

A) Materiali i allçisë së përdorur në krahun tim ishte shumë i dobët. Krahu duhet të ishte fiksuar. Nuk ishte bërë siç duhet. Pas disa orësh vura re se te pjesa e brrylit allçia ishte varur. Ky është gabimi 1.

B) Specialisti holandez i traumatologjisë pas kontrollit të fotove shqiptare me rreze X dhe pasi bëri disa analiza mjekësore konkludoi se NUK kishte frakturë në krah, por një kontuzion të rëndë; pra në spitalin shqiptar të traumës është bërë një diagnozë krejtësisht e gabuar. Allçia (e thyer/varur) u hoq. Diagnoza e gabuar është gabimi 2.

C) Diagnoza e shkruar me dorë për krahun ishte “fractura olecrani”; sipas specialistit holandez kjo diagnozë është krejtësisht e gabuar. Ky është gabimi 3.

D) Diagnoza e shkruar me dorë për kokën ishte “kontuzion Capitis ET VLC”; sipas specialistit holandez krejtësisht gabim. Ky është gabimi 4.

E) Siç u përmend më herët, diagnoza e shkruar me dorë gjithashtu nuk ishte në përputhje me diagnozën e kirurgut të përgjithshëm. Ky është gabimi 5.

F) Duke marrë parasysh faktin se kam vuajtur nga një dëmtim i rëndë në kokë dhe duke marrë parasysh përdorimin e holluesve të gjakut, sipas standardeve mjekësore të pranuara ndërkombëtare, personeli mjekësor duhet të kishte kryer një ekzaminim me CT skaner. Nëse një pajisje e tillë nuk disponohej, atëhere personeli mjekësor duhet të kishte marrë vendimin e shtrimit në spital për të paktën 48 orë për vëzhgim dhe mbikëqyrje, pasi ekzistonte rreziku për hemoragji të brendshme në kokë. Ky është gabimi 6.

G) Nuk ka pasur fare ekzaminim neurologjik, as nga kirurg, as nga një infermiere, as nga një neurolog. Ky është gabimi 7.

H) Mu dha një deklaratë se isha ‘i aftë për fluturim’; por, bazuar në konsideratat e përmendura në F, ishte gabim të jepej një deklaratë e tillë.

Më domethënëse është se kjo deklaratë është dhënë pa asnjë ekzaminim neurologjik apo teste të shkurtra neurologjike. Në bazë të deklaratës fluturova pasditen e së hënës 18 prill vetëm 38 orë pas aksidentit. Specialisti holandez ishte i mendimit se stafi mjekësor në Tiranë kishte ndërmarrë një rrezik të papërgjegjshëm. Kombinimi i dëmtimit të kokës, holluesi i gjakut, presioni në kabinën e avionit mund të kishin shkaktuar një hemnoragji të brendshme në kokë/tru. Ky është gabimi 8.

I) Pasi dola nga spitali, më kthyen në hotel. Askush nuk më këshilloi të mos qëndroja vetëm për shkak të rrezikut të një hemoragjije të brendshme në kokë. Mbikëqyrja në hotel duhet të ishte një ‘conditio sine quo non’. Megjithatë, nuk mu këshillua një gjë e tillë. Ky është gabimi 9.

Gjithsesi, jam mirënjohës që plaga në kokë m’u mbyll me qepje, por veç kësaj, pothuajse gjithçka tjetër ishte ‘nën optimale’ në këtë spital universitar, ku stafi mjeksor ishte i detyruar të punonte me pajisje të vjetruara dhe pa asnjë kompjuter. Për më tepër, më ra në sy një proces pune kaotik, pa një sistem të qartë detyrash, autorizimesh dhe përgjegjësish. Qasja ishte krejtësisht e papërqendruar te pacienti, komunikimi ishte konfuz, sistemi i regjistrimit plotësisht i pamjaftueshëm dhe proceset e punës jo të mira dhe jo të organizuara në mënyrë efektive. Për më tepër, pata përshtypjen se disa anëtarë të stafit nuk ishin të mirëarsimuar dhe disa prej tyre silleshin sikur të ishin krejtësisht të painteresuar dhe të pamotivuar.

Për mendimin tim të gjitha këto fakte që rreshtova flasin për mundësi fatkeqësish të pamendueshme. Kryeministër, nuk bëhet fjalë për mua, unë arrita të shkoj në shtëpi, të vizitohem në një spital modern të Evropës Perëndimore të pajisur mirë. Por, qytetarët shqiptarë, duke përjashtuar ata pak të pasur e të lumtur në vendin tuaj, i nderuar Kryeministër, nuk mund të udhëtojnë jashtë vendit.

Kam frikë, dhe kjo nuk është e paimagjinueshme, që aty njerëzit vdesin më kot, gjë që mund të jetë një skenar realist në spitalin e traumës ose në spitale të tjera shtetërore.

Para se të hyja në këtë spital më 16 prill 2022, gjatë viteve të kaluara, kam dëgjuar shumë për cilësinë dhe standardet e shërbimit shëndetësor shqiptar. Për ‘ikjen e trurit’, për demotivimet, për korrupsionin, për dallimet mes klinikave shtetërore dhe private. Ka shumë që konfirmojnë se për shkak të kujdesit të dobët shëndetësor, njerëzit po vdesin.

I dashur kryeministër, shëndetësia nuk është çështje përfitimi. Është detyrë thelbësore e shtetit që të garantojë një akses (të mirë dhe falas) për të gjithë qytetarët në një sistem të mirë-koordinuar të kujdesit shëndetësor. Bazuar në eksperiencat e mia, natyrisht në kombinim me ato që kam dëgjuar dhe ato që kam lexuar, kam mendimin modest se në këtë aspekt ka disa fusha domethënëse për përmirësim. Janë sfida të vërteta.

Shërbimi i mirë shëndetësor lidhet drejtpërdrejt me të drejtat e njeriut. Dhe respektimi i të drejtave të njeriut në të gjitha aspektet është një parakusht për një shkallë të pranueshme civilizimi.  Jam i bindur se zoti Fjodor Dostoevsky do të pajtohej me mua se shkalla e qytetërimit të shoqërisë suaj nuk është në përputhje me standardet evropiane në lidhje me kujdesin shëndetësor.

Për më tepër, i nderuar zoti Edi Rama, për mendimin tim shëndetësia nuk mund të jetë kurrë një element ekuilibri në buxhetin e shtetit. Kur eci në rrugët e Tiranës dhe krahasoj pejsazhin urban të qytetit me nja dy vite më parë, vë re se ka shumë para për të realizuar ndërtime. Ndoshta do më fajësoni se po krahasoj mollët me portokallet dhe do të dëshironit të ndalja së adresuari këto vërejtje kritike.

Megjithatë, është qëllimi im i ndershëm dhe i sinqertë, të bëj avokatin e qytetarëve të thjeshtë të vendit tuaj të bukur në emër të përmirësimit të aksesit në një sistem të mirë shëndetësor për të gjithë shoqërinë tuaj. Mendoj se ky parim i solidaritetit do t’ju tërheqë si kryetar i Partisë Socialiste (PS) në pushtet.

Kryeministër, shpresoj që këtë letër të mos e quani si të mbinxehur emocionalisht, apo më keq, si incident. Unë sinqerisht shpresoj se kjo letër do të kontribuojë në disa rishqyrtime themelore. Dhe ju lutem vini re, kryeministër, mos harroni kujdesin psikiatrik, kujdesin shëndetësor në burgje dhe komisariate dhe psikiatrinë ligjore në institucionet tuaja të vuajtjes së dënimit. Bazuar në një model gjithëpërfshirjeje, të gjithë qytetarët shqiptarë, të rinj, të moshuar, të lirë, të burgosur, kanë të drejtë të kenë akses në një sistem shëndetësor të ekuilibruar dhe të mirëorganizuar.

Ju pershendes me përzemërsi,

Ton Daans

Këshilltar ndërkombëtar në fushën e riedukimit.

Eindhoven, Holandë, 26 Prill 2022

 

22 Comments

  1. Asnje presje nuk mund ti hiqet.
    Sistemi shendetesor eshte nje horrorr i vertet. Nese dikush eshte kundra, atehere jemi per te ardhur keq.

    1. S ke faj ky eshte realiteti i hidhur mire spitalit po nuk u hodhe nje sy konçensioneve ne shendetsi sa te shendosha i kemi do kishe zili as ne vendit tend nuk ke kaq konçesione te majme sa ketu te ne Ti them e diçka keti zoterise se nderuar mire qe ke gjetur edhe personelin mjeksor se ka me shume mundesi ti gjesh neper lokale sesa te vendi i punes

  2. Ky eshte realitet, mjekesia nga qeveria jone nenkupton lyerjen e fasadave dh jo produktin e saj jo mjetet ,mendesine dhe kushtet per kete sherbim jetik te nje shoqerie.
    Nuk e di si ndjehet KM yne por jam i bindur se KM i nje vendi tjeter do jepte direkt doreheqjen duke i kerkuar falje popullit. Kjo histori me kujton nje ndodhi te njejte me nje punonjes ambadade qe kish vrare doren ne nje aksident nga vitet 88-90 dhe kur shkoi ne spital per tu mjekuar s’kishte fasho dhe jod. Pra ku ishe ,asvjekundi, cfare bere?, asgje. Rrofte partia.

  3. “I dashur zoti Rama”…..

    Keshtu i flitnit edhe Putinit, po po jua shkerdhen diten kohet e fundit!

  4. 1. Ky ka leke per Ineratore por jo per Spitale

    2. Spitali Amerikan rri si SKUTH afer Parlamentit dhe Qweverise dhe sigurohet qe te MOS kete investime ne a
    Spitalin Publik, ku dbe ka hyre me skutheri si CIBAN.

    3. Kane 30 vjet dhe pleh e kane le e shendetesine.

    Shendetesia falas ndihmon ekonomine dhe produktivitetin.

    Shikoni ca bejne Nordiket.

  5. Ke shkruar nje çarçaf per nje thes gabimesh mjekesore duke ditue se je kalimtar . E çduhet te themi ne qe nisem dhe po e ngrysim jeten ne kete paçavure vend ?

    1. Arb, po e keqkupton ate qe po thotë zotëria hollandez. Ai me të vërtetë është kalimtar, por po bën një diçka, po ankohet. Puna për ty dhe te tjerët është çfar do bësh ti si shqiptar për ndryshimin e situatës. … A ke marr pjesë ti nëpër demostrata kunder qeverisë kriminale, a i ke ftuar të tjerët te vijnë në protesta ??!! Nëse po shum mir, nëse jo aq më keq.

      Zotëria në fjalë po thotë jo vetëm atë që e dimë të gjithë, që në Shqipëri është bërë muti kala, por edhe çfar do bëj qeveria (dhe populli gjithashtu) për t’a ndryshuar situatën.

  6. Ne kemi kohe qe ankohemi dhe po i themi gabimet me ose pa dashje pa dorashka . Por shume kesulkuq me pare mbrojne partine se veten e tyre . Edhe ti po ti kishe degjuar propaganden dhe shown e palloshit dhe sektit rilindas nuk do ankoheshe kaq shume . Por do thoje e kane bere mire por mund te behej akoma me mire . Ne leter ti na krahason me vitet 60 te hollandes dhe ne te falenderojme sepse ne nuk jemi as si ne vitet 60 te dy shekujve me pare . Dhe sipas eres me keq do perfundojme po nuk kundershtuam qe sot kete klase hajdute politikanesh .

  7. Fakte me se te verteta. Shpresoj te mos dalin dhe te thone qe eshte I nxitur nga Berisha.
    Fatkeqesisht ne keto 8 vjete ka ngritur vetem nje shtet virtual asgje tjeter.

  8. Me ne fund nje nderkombetar mik i sinqerte i shqiptareve, sepse te shumtet mbushin xhepa e i thurrin lavde qeverise qe te rrine sa me gjate ne kete rrumpallen e Edi Rames.

    Faleminderit zoteri i vertete!

  9. Ky zoteria mori nje fare sherbimi , megjithe problemet qe dhpreh dhe jane te gjitha te verteta. Une u ktheva ne shpi edhe pse isha ne barrele.

  10. Te jesh qytetar shqiptar dhe t’i kryesh te gjitha sherbimet ne privat me miliona leke te marra borxh, kjo eshte e tmerrshme. Ka sherbime qe nuk ekzistojne fare ne spital shteteror. Eshte horror.

  11. problemi me i madh qe ka shqiperia jane moralistet qe dalin perdite nga shtepia dhe japin vec brryla per te arritur ate qe duan,dhe kur nuk e arrijne viktimizohen dhe thone fajin e ka shteti.95% e banoreve te ketij vendi ja kane me te futur vetes dhe botes ,cfare rezultati tjeter do prisni …….

  12. Sa keq qe mjekesia s’ka ndryshuar. Kjo me allcine e skaduar eshte e njejta gje me ka ndodhur ne 2011. Standarti me mjeke qe e konsiderojne mjekesine bisnes nuk ndryshon kurre. Eshte I gjithe sistemi qe nuk funksionon. Nuk ka rendesi cila parti e merr. Jane njerezit/ mjeket qe bejne ndryshimin. Mos diagnostikim te drejte ndodh kudo ne bote prandaj ve firmen ne disa documenta perfshire vdekjen kur futesh ne operacion jashte shtetit. Respekt per disa mjeke Shqipetare! Jo te gjithe jane si ky kirurgu I siperpermendur. Partia, rama dhe komentet e tjera jane thjesht propagande se si keshilltare paguhet te japi rekomandime qe eliminojne rrezikun per jeten ASAP.. I thuaj Bashkise cili eshte trotuari qe pâti ky probleme qe te mos bien te tjere. Cili eshte mjeku qe te nuk diagnostikoj korrect dhe ndiq rrugen ligjore. Letrat drejtuar liderit suprem nuk jane procedure as ne Hollande.

  13. Qe te besh aksident te tille duke ecur me kembet e tua ne nje trotuar,do te thote qe duhet ta kesh renduar shume ate te shkrete G O T E ate nate, ose pija duhet te kete qene shume e forte sa kembet e tua nuk e paskan mbajtur dot. Prandaj pak me me terezi here tjeter me keto pijet shqiptare se jane shume te fort per ju VERIORET e Europes,se nuk i perballoni dot. Po mire more zoti K E S H I L L T A R, sa spitale te tjera ke vizituar gjate kohes qe ke qene me sherbim ne Shqiperi qe na paske nxjerre gjithe keto KONKLUZIONE per gjendjen e sherbimit mjekesor ne Tirane dhe ne gjithe Shqiperine.????!!!! Ju me kete eksperiencen tuaj te PAKET ketu ne Shqiperi na tregoni se niveli i mjekeve dhe infermiereve eshte aqe i ulet sa ai i viteve 60 te sshekullit te kaluar ne vendin tuaj ne HOLLANDE. Po mire si na e shpegoni ju zoti keshilltar hollandez qe pikerisht keta mjeket e PRAPAMBETUR te Shqiperise nuk na i lene te bien perdhe shtetet e PERPARUARA PERENDIMORE qe kane mbushur spitalet e tyre me keta mjeke e infermiere shqiptare si ne Itali,GJERMANI, France , Suedi etj Si thoni ju i nderuaar, te gjithe keta naa qenkan BUDALLENJ qe i kane futur ne spitalet e tyre,dhe vetem Ju na dolet i mencur????!!!!! Ata mjeket tuaj HOLANDEZE , sipas jush na i paskan nxjerre gjithe mjekimin e bere ne Shqiperi per ju,e paskan vleresuar
    Z E R O , por nuk habitem jo , se mjekessia holandeze ka futur ne perdorim prej vitesh ate mjekimin me K A N A B I S, te cilin ne vendin tuaj mund ta blesh lirshem ne treg sikur ble sallate jeshile…….!!!!!!! . Prrandaj zoti Keshilltar jeni teresisht i pabesueshem per te gjitha ato qe shkruan ne ate palo L E T E R ,por une nuk ju ve faj fare juve por atyre qe jua KANE SHKROJTUR dhe ju vetem sa kini marre persiper te shkruani emrin tuaj,veç nje gje nuk di ta them me çfare V L E R E NE EURO e kini kembyer vendosjen e emrit tuaj , ne kete LETER ?????!!! Se prej kujt eshte shkrojtur kjo leter ketu ne Shqiperi, nuk eshte e veshtire per tu kuptuar,por mendoj se nuk do tju beje pune as kjo paçavure…..!!!!!!!!

Lini një Përgjigje

Adresa juaj email s’do të bëhet publike.