Komisioneri për Zgjerim i Bashkimit Evropian, Oliver Varhelyi do të vizitojë këtë të enjte Tiranën. Kjo vizitë vjen në kuadër të turit të Varhelyit në Ballkanin Perëndimor. Komisioneri për Zgjerim i Bashkimit Evropian dje shkoi në Shkup nga Sofja, ku nuk arriti të bind autoritetet bullgare për zhbllokimin e rrugës së Maqedonisë së Veriut drejt integrimit në BE.
Vizita e tij në Shkup po kalon pa shumë bujë. Autoritetet qeveritare nuk njoftuan axhendën e takimeve, e as vetë zoti Varhelyi nuk dëshiroi të fliste me gazetarët.
Komisioneri shkruajti në Twitter menjëherë pas takimit me kryeministrin maqedonas për zotimet mbi vazhdimin e përpjekjeve për të filluar bisedimet para përfundimit të presidencës francëze me BE-në. “Nuk ka kohë për të humbur lidhur me shpejtimin e procedurave”, theksoi zoti Varhelyi.
“Kur e trashëguam bllokadën në bisedimet me Maqedoninë e Veriut dhe Shqipërinë, po ashtu trashëguam një rajon ku hendeku social dhe ekonomik midis Bashkimit Evropian dhe Ballkanit është një nga sfidat kryesore të këtyre vendeve në përpjekjet për t’u bërë pjesë e BE-së, pa përmendu këtu çështjen e reformave institucionale, të cilat duhet të bëhen”, u shpreh zoti Varhelyi në konferencën e Sofjes.
Bullgaria duket se nuk po heq dorë nga kushtet e vëna fqinjit më të vogël dhe së fundmi qeveria në Sofje ka ritheksuar se Shkupi së pari duhet ta fusë pakicën bullgare në kushtetutë, në mënyrë që Bullgaria ta heqë veton për hapjen e bisedimeve në Bruksel.
Maqedonia e Veriut i konsideron këto si kërcënime dhe nënçmime, por nuk dëshiron nga ana tjetër të shkëputet nga procesi i lidhur i integrimeve në BE me Shqipërinë fqinje.
Shpresoj shume qe te marrim nje lajm pozitiv sepse vendi jone ka perparuar shume
Urojme qe pas ketij takim te kemi lajme pozitive dhe te futemi ne BE
presim sa me shume gjera te mira sepse dite per dite qeveria po tregon qe po ecen ne drejtimin e duhur
Shpresoj te futemi sa me shpejt ne BE
Bashkepunimi ben fuqin dhe per kete gje eshte qeveria ajo qe i ka krijuar keto lidhje dhe i jep mundesine vendit per nje te ardhme me te mire dhe plote miq rreth e rrotull.
Nje takim vertete i rendesishem ne, uroj qe shume shpejt te jemi pjese e BE pasi vendi yne po zhvillohet dita dites
Hapja e negociatave do te jete nje nisme shum e mire per Shqiperine , tani na mbetet vetem te presim dhe te marrim nje pergjigje pozitive
shqiperia nuk hyn ne be dhe as maqedonia
po ndodh si me turqine