Real Madridi është në finalen e Ligës së Kampionëve për herë të 17 në historinë e tyre. Në një sfidë të pabesueshme, skuadra e Ancelottit eliminoi Manchester City e Guardiolës në Bernabeu duke fituar 3-1 në kohën shtesë. Ecuria e ndeshjes është si një film hollivudian: pas suksesit 4-3 të ndeshjes së parë, avantazhi i Mahrezit për City në minutën e 73 ngriu Bernabeun. Pikërisht kur Guardiola bëhej gati të festonte, në të nëntëdhjetën, në harkun e nëntëdhjetë sekondave, Rodrygo shënoi dy gola që përmbysën anglezët dhe e çuan sfidën në kohën shtesë. Në tridhjetë minutat shtesë goli me penallti i Benzema vlejti finalen dhe kompletimin e mrekullisë. Në Paris, Real Madrid dhe Liverpool do të luajnë për trofeun e Champions League.
Do të jetë Real Madrid që do të sfidojë Liverpool në finalen e Ligës së Kampionëve, e planifikuar për 28 maj në Paris. Ndeshja e kthimit në Santiago Bernabeu, pas 4-3 për Manchester City në Angli, ofroi 120 minuta të bujshme, që u mbyllën me fitoren 3-1 të Blancos me përmbysje. Një befasi e jashtëzakonshme për Guardiolën, i cili pas golit të Mahrez në minutën e 73, u detyrua të shihte dygolëshin e Rodrygos në minutën e 90 dhe 91. Në kohën shtesë vendosi penalltia e Benzema, të akorduar nga Orsato për një faull të Ruben Dias ndaj vetë francezit.
Fantastik Rodrygo, njeriu i ndeshjes, e asi nën mëngë i Ancelottit. Sa herë është në vështirësi tekniku i drejtohet brazilianit: i futur në 20 minutat e fundit të ndeshjes ai, në xhiron e 90 sekondave, kur asnjë prej më optimistëve të tifozëve nuk besonte më, jo vetëm firmosi barazimin, por gjeti dygolëshin që e coi ndeshjen në shtesë, ku llogaritë i mbylli Benzema. Tani në Paris do luhet akti i dytë i një finale Real-Liverpool, një hakmarrje që Reds e presin nga 2018.