Milani është në shitje, por Investcorp nuk është i vetmi i interesuar për të blerë klubin kuqezi. Në tryezën e bisedimeve me fondin Elliott ka mbërritur, pa u mohuar, një ofertë e re, këtë herë nga Shtetet e Bashkuara. Bëhet fjalë për RedBird Capital – një shoqëri e përfshirë edhe te Liverpool, finalisti i Ligës së Kampionëve – që sipas asaj që mësohet ka ofruar mbi 1 miliard euro për të marrë përsipër klubin e Milanit. Pavarësisht se nuk e shfrytëzoi periudhën e negociatave ekskluzive, Investcorp mbetet në avantazh në diskutimet me pronarët e Milan.
RedBird është një nga investitorët më produktivë në botë në sportet e nivelit të lartë dhe kompanitë e teknologjisë së asociuar. Përveç blerjes për 750 milionë dollarë të 10% të aksioneve në Fenëay Sports Group, kompania që zotëron Liverpool por edhe Boston Red Sox në MLB, fondi amerikan në korrik 2020 u bë pronar i Toulouse në Francë, një klub që sapo ka festuar promovimin në Ligue 1, duke marrë 85% të aksioneve të shoqërisë.
Me një ofertë prej mbi 1 miliard euro të prezantuar te Elliott, RedBird – sipas Sky UK – po përpiqet të ndërhyjë në diskutimet me Investcorp. Negociatat, megjithatë, janë në një fazë kaq të avancuar, saqë sipas të njëjtit burim, nuk ka gjasa që të mund ta parakalojë.