Nuk duhet të shikojmë nga e kaluara, por transferta në Verona e tremb jo pak Milanin. Mësime e apele historike (sa për kujtesë në 1973 dhe 1990) që shqetësojnë botën e kuqezinjve, sepse sonte një pjesë e madhe e titullit është në lojë dhe Pioli nuk mund të gabojë. Tekniku e di mirë këtë dhe ka dashur të përcjellë qetësi te lojtarët e tij, siç ka bërë gjithmonë në periudhën e fundit. Tre pikë me rëndësi ekstreme për të vazhduar ëndërrimin: mungojnë 7 me tre javë nga fundi për të ngritur trofeun në qiell. Nga ana tjetër, verdheblutë duan të mbyllin një kampionat të shkëlqyer me një fitore prestigjioze.
Do të jetë betejë në një ambjent të zjarrtë: Bentegodi do të jetë i tejmbushur. Shumë tifozë të Milanit do të jenë të pranishëm në tribunat në Verona dhe Curva Sud ka përgatitur edhe një koreografi për sektorin e miqve, një gjë e pazakontë që përsëritet pas asaj në Olimpico kundër Lazios. Një pushtim kuqezi për ta bërë atmosferën magjike dhe jo … fatale.
Në fushë Bennacer duhet të kthehet nga minuta e parë në qendër të fushës me Tonalin, ndërsa Kessie duhet të startojë si playmaker. Për pjesën tjetër, formacioni do të jetë i konfirmuar me Leaon dhe Messias në krahë dhe Giroud në qendër me Ibrahimovic gati për tu futur në fushë. Pioli kërkon përqendrim dhe qetësi, pa menduar Interin për momentin në +1 në krye të tabelës.