Një aventurë e shëmtuar për një baba dhe djalin e tij, mbështetës të Real Madrid, të cilët u gjendën në sektorin e tifozëve të Atleticos gjatë derbit të Madridit. U desh të ndërhynin stjuardët për të shpëtuar dy miqtë që e panë veten keq.
Derbi i Madridit ndërmjet Atleticos dhe Realit ishte si gjithmonë me tension të lartë pavarësisht se Blancos tashmë janë kampionë të Spanjës. Nga ana tjetër, Colchoneros kishin nevojë për pikë të vlefshme për të tentuar të mbyllnin vendin në Champions League për vitin e ardhshëm dhe ia dolën. Penalltia e shënuar nga Carrasco i lejoi skuadrës së drejtuar nga Simeone të merrte tre pikët pas një ndeshjeje të luftuar.
Que tengan que expulsar del Wanda Metropolitano a un padre y su hijo por ir con la camiseta del Real Madrid y escuchar todo tipo de insultos es lamentable @Atleti @LaLiga #AtletiRealMadrid pic.twitter.com/UeevwxU8tJ
— Dios Benzema (@DiosBenzema_) May 9, 2022
Në mbrëmjen e Wanda Metropolitanos nuk munguan kontestimet, si ajo për mungesën e korridorit të respektit nga vendasit për kampionët e La Ligës, madje as përplasjet brenda dhe jashtë fushës. Një situatë fatkeqe u krijua në tribunë për një baba dhe djalin e tij, të cilët si tifozë të Realit u gjendën në mes të një sektori plot me tifozë të Atleticos. Disa mbështetës Colchoneros i vunë re dy të paftuarit, të cilët kishin veshur fanellën e mbanin një shall të Realit dhe u përpoqën t’i largonin nga sektori. Burri dhe djali pastaj u bënë viktimë e ofendimeve, mes të cilëve “madrilenë bij kur*e “.
Në atë moment u desh të ndërhynte siguria e stadiumit dhe të nxirrte dy miqtë jashtë sektorit. Gjithçka është kapur nga kamerat e transmetuesit spanjoll Movistar dhe ka shkaktuar shumë debate.