• |
ide | kryesore

“E vrava qenin se qante”, zbardhet dëshmia në gjykatë e pilotit grek që “shokoi” Greqinë

-Instant, Arkiva, Lajme, Të fundit



Ngjarja e rëndë e ndodhur disa muaj më parë në Glyka Nera, është kthyer sërish në qendër të vëmendjes, pas deklaratave që ka bërë vrasësi Babis Aangnostopoulos, i cili tashmë ndodhet pas hekurave.

Piloti grek, Babis Aangnostopoulos, që vrau bashkëshorten e tij Caroline Krauts, foli për krimin në seancën gjyqësore të bërë së fundmi.

Si fillim Babis tha se ishin disa shqiptarë që iu futën në shtëpi për të grabitur dhe i kishin vrarë bashkëshorten, por më pas e vërteta nuk vonoi të dilte në shesh.

Ai tregoi me imtësi për veprimet të cilat iu desh të ndërmerrte për të mbuluar krimin.

“Edhe unë të besova. Policia ju ka besuar, zoti i pandehur. Për grabitësit u vunë edhe 300 mijë euro shpërblim. Unë personalisht ju kam besuar” , i tha në një moment kryetari i gjykatës, duke vënë në dukje se e gjithë skena që ai ngriti për të mbuluar krimin e tij do të paguhet nga qytetarët grekë.

Reagimi i gjykatësit erdhi pasi i pandehuri tha se e gjitha nuk kishte qenë e lehtë edhe për të, pasi kishte qarë me vajzën e tij në divan për 37 ditë.

“Po mendoja se çfarë do të bënte ky fëmijë. Nuk mund ta pranoja që ai të humbiste prindërit në të njëjtën ditë. Nëse do të doja të largohesha, mund të largohesha dhe unë dhe fëmija im pasi të dy kishim pasaportë. Shmangia e pasojave ishte një nga pasojat e papranueshme të asaj dite. Nga tronditja ime ishte e pamundur për mua të kuptoja se nuk do ta shihja më gruan time. Gjithçka që mund të bëja ishte ta mbaja vajzën time në krahë dhe t’i premtoja se nuk do ta lija kurrë… Gjithçka që mund të bëja ishte të provoja çdo sekondë për atë që nuk kishte faj për asgjë. Dhe Caroline nuk kishte faj… Lydia meriton të ketë gjithçka dhe nuk do ta ketë kurrë, sepse gjysma tjetër ishte nëna e saj. Prindërit e Caroline janë njerëz që jetojnë dhe marrin frymë për Lydian” , tha Babis.

I akuzuari iu referua më tej në detaje veprimeve të tij pas krimit dhe siç tha ai ka menduar të vrasë qenin për të bërë të besueshëm versionin e grabitjes.

“E mora nga rripi, e ngrita pak dhe e vendosa rripin në kangjella. Ishte e pamundur ta shihja, u largova, shkova në kuzhinë për të mos e parë. Qeni qau”, pohoi ai.



Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *