Jason Momoa ka kërkuar së fundmi falje publike pasi bëri foto dhe video gjatë një udhëtimi të fundit në Vatikan.
Në fillim të kësaj jave, aktori i “Aquaman” shkoi në Instagram për të ndarë fotot që ai bëri duke admiruar veprën e artit brenda Pallatit Apostolik. Problemi i vetëm është se fotot nuk lejohen, për shkak të faktit se blici mund të jetë i dëmshëm për veprën e artit.
“Të DUA ITALI, sa një fillim i bukur i ditës sonë të pushimit duke shijuar Romën ,” ka shkruar Momoa në postimin e tij. Mirëpo, publikimi i tij nuk u prit mirë nga fansat të cilët ishin të indinjuar dhe disa madje besuan se ai mori trajtim të veçantë.
“Ne, njerëzit e rregullt, nuk na lejohet të filmojmë brenda,” komentoi një përdorues. Një tjetër fans tha: “Ne nuk mund të bëjmë fotografi, por të famshmit munden. Asgjë kundër Jasonit (Unë e adhuroj atë), por nuk është e drejtë.”
Pasi Jason mori reagimin e ashpër, ai postoi një video që u shpërnda nga Just Jared.
“Dëshiroj të them, se nëse ndonjëherë keni ndjerë se nuk kam respektuar kulturën tuaj, nuk ishte qëllimi im.Kam ardhur këtu kur isha 19 ose 20 vjeç. Gjithmonë kam dashur dhe tani që mundem, dhashë një donacion të mrekullueshëm për të sjellë miqtë dhe ekipin tim, sepse kishim vetëm disa ditë pushim për të përjetuar këto vende.”
Ai vazhdoi, “Dhe më pas zbulova se njerëzit donin të bënin fotografi me mua, gjë që është shumë e çuditshme, gjatë një udhëtimi në Vatikan mes këtyre mrekullive, ata duan të bëjnë foto me mua. Pavarësisht se nuk më pëlqen,pranova.
“Isha shumë i respektueshëm dhe kërkova leje nga ajo që mendoja se do të ishte mirë. Nuk do të doja kurrë të bëja asgjë për të mosrespektuar kulturën e dikujt. Nëse e bëra, kërkoj falje. Nuk ishte qëllimi im. Pagova për të pasur atë moment privat dhe dhashë një donacion të bukur për kishën. Ju dua. Më falni nëse ju ofendova.”
Përveç shikimit të vendeve historike gjatë qëndrimit në Itali, Momoa ka xhiruar për filmin e tij të ardhshëm “Fast X”./Lapsi.al