“Disa dashuri bëjnë xhiro të mëdha dhe më pas kthehen”. Fraza që Adriano Galliani i pëlqente të përsëriste në merkaton e transferimeve duket se përmbledh në mënyrë perfekte situatën e Paul Pogba, i cili ka një kontratë që skadon në qershor 2022 me Manchester United dhe nuk do ta rinovojë. Menaxheri që kujdeset për interesat e mesfushorit francez, pas vdekjes së Mino Raiolas, Rafaela Pimenta, në fakt do të jetë në Torino me ndihmësit e saj, të hënën, për tu takuar me drejtuesit e Juventusit dhe për të kuptuar nëse është vërtetë e mundur të negociohet për rikthimin e Pogba në bardhezi.
Në fakt, nëse nga njëra anë është vullneti i Pogba për të veshur sërish fanellën e Juventusit, nga ana tjetër klubi bardhezi nuk mund t’i ofrojë atë që bëjnë klubet e tjera më të mira evropiane, mbi të gjitha PSG, dhe për këtë arsye bardhezinjtë insistojnë në faktorin “sentimental”. Për momentin oferta e Juventusit është më e ulët se të tjerat, por takimi i planifikuar për të hënën tregon se si Zonja e Vjetër ka vendosur të merret seriozisht në përpjekje për të rikthyer mesfushorin 29-vjeçar francez në Torino.
Gjithashtu duhet theksuar se në mesin e lojtarëve të Juventusit janë De Ligt, Kean dhe Pellegrini të cilët janë pjesë e “skuadrës” së të ndjerit Mino Raiola dhe prandaj arsyeja kryesore e vizitës së Rafaela Pimentas mund të jetë biseda me drejtuesit e bardhezinj për planet e shoqërisë për këta tre lojtarë, por sigurisht që sapo të jenë përballë asgjë nuk do t’i ndalojë të flasim për të ardhmen e Pogba…