Pas aksidentit në QSUT, ku u rrëzua një ashënsor duke plagosur dy persona, sot kanë pësuar defekt dhe kanë marrë flakë dy ashënsorë të tjerë.
Ngjarja e parë ndodhi në Vlorë rreth orës 13:45. Policia bëri me dije se në ashensorin e një pallati në lagjen “ 1 Maji” ka rënë zjarr, por nuk ka pasur rrezik për banorët. Në njoftimin e shpërndarë për mediat, policia deklaroi se po punon për të zbuluar shkaqet e zjarrit.
Ndërkohë, vetëm pak minuta më parë, e njëjta gjë ndodhi në Tiranë.
“Më datë 16.05.2022, në Rrugën e Kavajës, në një kompleks pallatesh, ka rënë zjarr në ashensorin e pallatit. Si pasojë ka vetëm dëme materiale.
Grupi hetimor ndodhet në vendngjarje dhe po punon për sqarimin e rrethanave të ngjarjes.” – njoftoi policia. ©Lapsi.al