Një 65-vjeçar ka humbur jetën për shkak se është rrëzuar nga tarraca e banesës së tij, ku po kryente punime në Tepelenë. Mësohet se rreth orës 13:45, shtetasi B. Z., duke kryer disa riparime në tarracën e banesës së tij, ka rënë dhe për pasojë ka humbur jetën. Ngjarja e rëndë ka ndodhur në lagjen “Kala”, Tepelenë.
Në vendngjarje ndodhet grupi hetimor, i cili po punon për sqarimin e rrethanave të situatës.