Organizatorët e Kampionatit Botëror të Formula 1 kanë njoftuar zyrtarisht se GP i Rusisë nuk do të rikuperohet nga asnjë vend tjetër. E anuluar pak më pak se tre muaj më parë (disa ditë pas pushtimit rus të Ukrainës), gara e Soçit fillimisht ishte planifikuar për të dielën më 25 shtator, raundi i shtatëmbëdhjetë i Kampionatit Botëror që tani – i “reduktuar” në njëzet e dy gara – do të largohet nga Europa disa javë më herët, të pasnesërmen e Çmimit të Madh të Italisë, të dielën e 11 shtatorit në Monza.
Cirkusi do të vazhdojë në Lindjen e Largët (Singapori dhe Japonia), përpara se të zhvendoset në Amerikë për GP e SHBA-së, Meksikës dhe Brazilit, me finalen e zakonshme të madhe në pistën Yas Marina në Abu Dhabi. I mirëpritur nga ekipet – që përballen me llogaritë e kufirit buxhetor dhe me menaxhimin e vitit të parë të epokës së re – vendimi për të mos kërkuar alternativa të tjera për cirkuitin e ndërtuar në fshatin olimpik të qytetit në brigjet e Detit të Zi ka – në fakt – arsye të karakterit ekonomik.
Ndër hipotezat e marra në konsideratë dhe më pas të rrëzuara, ishte një GP i dyfishtë në Singapor dhe GP i Katarit, ku Formula 1 bëri debutimin e saj në vitin 2021. Testi katariot, i cili nga viti 2023 do të vihet në skenë për një dekadë të tërë në Losail, nuk ishte përfshirë në kalendarin aktual të Botërorit për të shmangur shoqërimet dhe mbivendosjet me Kupën e Botës të futbollit në Katar, e cila për herë të parë në historinë e tyre do të zhvillohet në fund të vjeshtës / fillim të dimrit (në dhjetor). Garimi në Losail në fund të shtatorit, përvec se e ndërlikuar logjistikisht si udhëtim, ishte një hipotezë problematike për shkak të temperaturave shumë të larta të ambientit (në vitin 2021 gara u zhvillua në dhjetëditëshin e fundit të tetorit).