• |
ide | kryesore

Mbetet mister fati i 2500 ushtarëve ukrainas të dorëzuar në fabrikën Azovstal

-Instant, Arkiva, Lajme, Të fundit



Shqetësimet sa vijnë e shtohen për fatin e ushtarëve ukrainas që tani janë në duart e forcave ruse, pas braktisjes së fabrikës së çelikut, Azovstal në qytetin e Mariupolit.

Ligjvënësi rus, Leonid Slutsky, udhëheqës i Partisë Demokratike Liberale në Rusi, ka thënë më 22 maj se fati i ushtarëve të zënë, “duhet të përcaktohet nga një tribunal”.

“Mendimi im nuk ka ndryshuar: nuk duhet të ketë këmbim të anëtarëve të Regjimentit të Azovit, i cili është i paligjshëm në Rusi”, ka thënë Slutsky përmes kanalit të tij në Telegram.

Zyrtarët ukrainas dhe familjarë të ushtarëve, i kanë bërë thirrje Moskës që t’i trajtojë burrat si të burgosur të luftës.

Zëvendëskryeministrja ukrainase, Iryna Vereshuk, ka thënë më 21 maj se Kievi “do të luftojë për kthimin” e secilit prej tyre.

Ministria ruse e Mbrojtjes ka thënë më 20 maj se forcat e saj kontrollojnë plotësisht fabrikën e çelikut, pas disa javëve të luftimeve intensive në këtë qytet, në të cilin besohet se janë mijëra njerëz të vrarë.

Ukraina e ka përshkruar tërheqjen nga Azovstali si “evakuim” të autorizuar, dhe jo si dorëzim.

Rusia ka thënë se rreth 2,500 ushtarë ukrainas janë në mbajtje.

Denis Pushilin, udhëheqës i grupit separatist – të mbështetur nga Rusia – në rajonin ukrainas Donjeck, ka thënë se beson që të burgosurit do të përballen me një “tribunal”.

Kremlini e konsideron pushtimin në Ukrainë si përpjekje për të çrrënjosur “nazistët” dhe ekstremistët tjerë nga ky shtet.

Kievi dhe Perëndimi besojnë se ky është një arsyetim i rremë për nisje të luftës.

Regjimenti i Azovit është një grup vullnetar i të djathtës ekstreme, pjesë e Gardës Kombëtare ukrainase.

I njohur më parë si Batalioni i Azovit, ai ndjek një ideologji ultra-nacionaliste, të cilën autoritetet amerikane për sundim të ligjit e kanë lidhur me ekstremizëm neo-nazist.

Mirëpo mbështetësit e grupit e shohin organizatën si patriotike dhe pjesë të rëndësishme për mbrojtje të shtetit.

Agjencia ruse e lajmeve, Interfax, ka thënë më herët se Moska është duke shqyrtuar mundësinë e këmbimit të të burgosurve të Azovstalit me politikanin ukrainas dhe pro-rus, Viktor Medvedchuk, i cili përballet me akuza penale në Ukrainë.

Ministria ruse e Mbrojtjes ka publikuar një video në të cilën thuhet se shihet momenti kur trupat ruse e marrin në mbajtje Serhiy Volynskiy, komandantin e marinës ukrainase.

Besohet se rreth 100,000 civilë vazhdojnë të mbesin në Mariupol, të përballur me situatë të rëndë shëndetësore dhe higjienike.

Zyrtarët lokalë kanë akuzuar Rusinë për kryerje të mizorive në këtë qytet, duke përfshirë sulmin në një maternitet dhe bombardimin e një teatri, ku kanë qenë të strehuar mijëra njerëz javë më parë.

Në disa imazhe satelitore të publikuara në muajin prill, shihen ato që duken si varreza masive në dalje të Mariupolit.

“Qyteti është në prag të shpërthimit të sëmundjeve infektuese”, ka thënë kryetari i Mariupolit, Vadym Boychenko. /REL



5 Comments

  1. Teatri Mariupolit iu vu eksplozivi nga brenda. Fotot tregojne godinen te zgjeruar ne drejtim te kateve te siperme me katet e poshtme brenda te demtuara me shume se ato siper.
    Te neserme e shperthimit gjithe makinat parkuar perreth Teatrir te prekura nga shperthimi ishin hequr e zhdukur, per te eliminu prova. Ne ati dite ruset nuk kishin hyre ne Mariupol.
    Ne qytet tani ka qetesi dhe ndihma te shumta ne uje e ushqime nga Rusia. Asnje OJQ perendimore ska ofru ndihme per popullaten ruse ne Mariupol perfshi Kryqin e Kuq, asnje! Per 8 vjet kero rajone rusofolese i kane qene nenshtruar sulmeve te perditshme te artilerise nga ukraina shteterore duke qene nje Gaza Palestineze e dyte.
    Nazstet e Azovit e te tjere kane torruruar roberit ruse (pervec perndjekjes, torturimit e zhdukjes te opozites, ukrainasve rusofoles, e gjithkujt qe hezitoi sadopak ne kunderpergjigjen sulmuese ndaj rusise) dhe kur kane liruar ndonje ka qene per te dhene mesazhe gjakatare ruseve si psh duke u prere gishtat e duarve.

  2. Gjithe mediat perendimore dhe Shqipkare thoshin qe Ruset po humbasin luften dhe tani na doli qe me trimat e ukraines u dorzuan si karakurva

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *