• |
ide | kryesore

Fundoset varka me emigrantë në Mesdhe, 75 të zhdukur

-Instant, Lajme, Planet

Shtatëdhjetë e pesë persona janë të zhdukur pasi një varkë e mbushur me emigrantë u mbyt në Tunizi, sipas Organizatës Ndërkombëtare për Migracionin (IOM).

IOM tha se 24 persona ishin shpëtuar nga anija, e cila u largua nga plazhet e Zawara në veri të Libisë dhe u fundos në brigjet e Sfax.


Një zyrtar tunizian i sigurisë i tha agjencisë së lajmeve Reuters se roja bregdetare kishte gjetur një trup.

Mesdheu qendror, që lidh Libinë me Italinë ose Maltën, është rruga më e rrezikshme e migrimit në botë, thotë IOM.

Agjencia e OKB-së vlerëson se më shumë se 1,500 njerëz vdiqën ose u zhdukën në zonë në vitin 2021 dhe më shumë se 500 në  2022-in.

Në muajt e fundit, dhjetëra njerëz janë mbytur në brigjet e Tunizisë.

Qindra mijëra njerëz kanë bërë kalimin e rrezikshëm të Mesdheut vitet e fundit.

Shifrat nga Komisioneri i Lartë i OKB-së për Refugjatët (UNHCR) raportojnë  se më shumë se 123,000 migrantë mbërritën në Itali në vitin 2021, krahasuar me më shumë se 95,000 në 2020.

Lini një Përgjigje

Adresa juaj email s’do të bëhet publike.