• |
ide | kryesore

Mitsotakis: Erdogan gabon nëse mendon se nuk do ta mbroj sovranitetin e Greqisë

-Instant, Lajme, Planet

Kryeministri Grek, Kyriakos Mitsotakis, i ka dërguar një mesazh presidentit turk Rexhep Tayip Erdogan, pas deklaratave të këtij të fundit.

Mitsotakis ka theksuar Greqia dëshiron t’i mbajë të hapura dyert e komunikimit me fqinjët, por presidenti turk thotë ai, gabon nëse mendon se nuk do ta do ta mbrojë sovranitetin e vendit.


“Ne jemi fqinjë me Turqinë, do të na duhet gjithmonë të flasim dhe t’i mbajmë të hapura mënyrat e komunikimit. Ne nuk do të ndërpresim komunikimin me fqinjët tanë”, ka thënë ai, duke shtuar:

“Nëse presidenti Erdogan mendon se nuk do të mbroj sovranitetin e Greqisë dhe të drejtat tona sovrane, ose nuk do ta ‘ndërkombëtarizoj’ se Turqia po sillet si një fuqi revizioniste, ai ka përshtypjen e gabuar”.

Gjithashtu i pyetur për fluturimet  e avionëve luftarakë turq mbi ishujt grekë, ai tha se e konsideron këtë veprim si të paprecedentë dhe të papranueshëm.

“Unë do ta trajtoj këtë çështje me vëmendje sa herë që të më jepet mundësia, deri sa Turqia të ndryshojë sjelljen e saj”, theksoi Mitsotakis.

Lini një Përgjigje

Adresa juaj email s’do të bëhet publike.