Zaniolo prish magjinë: Roma kthehet të fitojë një trofe europian në Tiranë, Conference League “vishet” verdhekuq

Roma mundi 1-0 Feyenoord në finalen e luajtur në stadiumin “Arena Kombëtare” në Tiranë dhe fitoi edicionin e parë të Conference League. Kështu verdhekuqtë ae Mourinho thyejnë magjinë dhe arrijnë të ngrenë një trofe pas 14 vitesh mungesë. Për të vendosur ndeshjen mjaftoi goli i Zaniolo-s në minutën e 32-të, i cili ia doli të përfitonte nga pavendosmëria e mbrojtjes kundërshtare. Në pjesën e dytë verdhekuqtë vuajnë shumë me holandezët që goditën dy herë shtyllën, por pa arritur të ndryshojnë rezultatin dhe pas 5′ minutave të shtesës festa romane shpërtheu në Tiranë.