Një investitor në Twitter po padit Elon Musk dhe platformën e mediave sociale me pretendimin se Musk ka shkelur ligjet e korporatave të Kalifornisë në një sërë mënyrash. Ai akuzon shefin e Tesla-s për “sjellje të gabuar” pasi “deklaratat e tij të rreme dhe manipulimi i tregut kanë krijuar “kaos” në selinë e Twitter në San Francisko”.
Padia e propozuar për veprim grupor u ngrit këtë javë nga investitori William Heresniak, i cili tha se po vepronte “në emër të tij dhe të gjithë të tjerëve që ndodheshin në një këtë situatë”.
Padia pretendonte se Musk përfitoi financiarisht duke vonuar zbulimin e aksioneve të tij të rëndësishme në Twitter dhe planin e tij për t’u bërë anëtar bordi i kompanisë. Ai pohoi gjithashtu se disa postime në Twitter të postuara nga Musk, i cili është një përdorues i rregullt i Twitter me më shumë se 95 milionë ndjekës, ishin “manipuluese”. Kjo përfshinte një postim në të cilin Musk tha se oferta e tij për marrjen e firmës së mediave sociale ishte në pritje për shkak të dyshimeve që kishte mbi numrin e llogarive të rreme në platformë.
Ai tha gjithashtu se Musk “dyfishoi” akuzat e tij katër ditë më vonë, duke deklaruar në Twitter se marrëveshja “nuk mund të shkojë përpara”.
Të premten, Frank Bottini, i cili është një nga avokatët që përfaqëson investitorët në Twitter, i tha BBC-së se padia u ngrit pasi Musk “vazhdon të përçmojë kompaninë që dëshiron të blejë për 44 miliardë dollarë në një përpjekje për të rinegociuar çmimin e blerjes”. Bottini tha se investitorët kërkojnë që Musk të jetë përgjegjës për sjelljen e tij të paligjshme.