Negociatorët e Bashkimit Evropian kanë dështuar që të arrijnë marrëveshje mbi embargon ndaj naftës ruse, por do të vazhdojnë përpjekjet për të arritur një pajtim para nisjes së samitit të BE-së më 30 maj, tha një zyrtar i bllokut.
Shtetet e BE-së po diskutojnë për një propozim, sipas të cilit, shtetet anëtare do të pranonin të vendosnin ndalesë për furnizimet me naftën ruse që vijnë përmes detit për në BE, deri në fund të vitit.
Përjashtime do t’iu mundësoheshin disa shteteve – Hungarisë, Sllovakisë dhe Republikës Çeke – që të pranojnë naftë përmes tubacionit rus Druzhba, që është i gjatë 4,000 kilometra.
Bloomberg, duke cituar burime që kanë njohuri me negociatat që janë zhvilluar, raportoi se Hungaria po refuzon që të arrijë kompromis.
Kjo media tha se Budapesti më herët kishte sugjeruar se do të mbështeste përjashtimin, që do të lejonte pranimin e dërgesave të naftës përmes tubacionit rus. Por, tha se Budapesti tani po kërkon koncesione të mëtejme.
Më 2021, Rusia ka dërguar afër 720,000 fuçi në ditë të naftës së papërpunuar në rafineritë evropiane përmes tubacionit të saj kryesor në rajon, krahasuar me 1.57 milion fuçi në ditë përmes dërgesave me anije në portet e Baltikut, Detit të Zi dhe Arktik.
Shumica e dërgesave përmes tubacioneve shkojnë në Gjermani dhe Poloni, por këto dy shtete kanë lënë të kuptohet se do të tentojnë të ulin varësinë e tyre nga furnizimet ruse pavarësisht çdo veprimi që mund të ndërmarrë BE-ja.
Ministri gjerman i Ekonomisë, Robert Habeck, tha më 29 maj se ishte i shqetësuar se uniteti i BE-së “ka filluar të rrënohet”, teksa blloku përgatitet që të takohet për të diskutuar për embargon ndaj naftës dhe përpjekjeve të tjera që kanë për qëllim të ulin varësinë nga energjia ruse.
Liderët e BE-së do të takohen më 30-31 maj për të diskutuar për sanksionet e reja të mundshme kundër Moskës, përfshirë edhe embargon ndaj naftës, për të ndëshkuar Rusinë për pushtimin e paprovokuar të Ukrainës.
“Pas sulmit rus në Ukrainë, ne pamë se çfarë ndodh kur Evropa qëndron e bashkuar. Teksa samiti po afrohet, le të shpresojmë që ky unitet të vazhdojë. Por, uniteti veçse ka filluar të rrënohet sërish”, tha Habeck gjatë një konference për media. /REL
Lufta ne Ukraine dhe perpjekjet per ta vene Rusine me shpatulla pas murit permes nje reagimi ne bllok te NATO-s dhe BE-se, si dhe me ane te nje bllokade totale, po nxjerr ne pah carje mes vendeve europiane.
Ndihma ne arme, financime, pranimin e miliona azilanteve te luftes, paketat e shpeshta te sanksioneve ndaj Rusise, duket se po vene vete Europen me shpatulla pas murit.
Me vjeshten dhe dimrin qe vjen, nevojen per gazin e naften, si dhe krizen e ushqimeve, kjo situate do te behet me e rende per qytetaret europiane, duke vene ne rrezik stabilitetin politik, ekonomik e social te BE.
Nje lufte e gjate ne Ukraine do te sillte rrenojat ne dy palet nderluftuese dhe percarjen ne gjirin e Europes, madje edhe brenda Nato–s, por sigurisht jo te njejtat pasoja per SHBA dhe Britanine e Madhe.
A do ta panojne kete europianet? Kjo mbetet te shihet, por e sigurte eshte qe sakrificat dhe durimi e kane edhe nje limit.
ti rrrujn karin rusit se nuk e futn dot ne kafazin e sorrrrrosit