“Ndihem shumë mirë me skuadrën. Jemi një skuadër miks, me lojtarë me eksperiencë dhe të rinj. Nuk shihet mosha, jemi të gjithë bashkë dhe kjo është shumë mirë për ne”. Me këto fjalë mesfushori kuqezi, Nedim Bajrami, i cili ka pak muaj që është bashkuar me Kombëtaren, ka treguar atmosferën brenda dhomave të zhveshjes dhe unitetin e grupit të ndërtuar nën menaxhimin e Rejas. Fantazisti i Empolit nuk e ka problem konkurencën dhe shprehet se objektivi i skuadrës është ta nisin mbarë këtë edicion të ri të Nations League: “Konkurenca në ekip – Është normale në futboll. Çdo lojtar do të luajë, pastaj e vendos trajneri. Jemi një skuadër që jemi të gjithë bashkë – tha Bajrami, duke shtuar -. Objektivi është ta nisim Nations League mirë, me rezultat pozitiv. Të stërvitemi mirë dhe të japim gjithmonë maksimumin.
Në mendjen e të gjithëve është ai sukses i 2016-ës, kur kuqezinjtë shkuan për herë të parë në finalet e një Europiani. Nations League është një rrugë për të përsëritur suksesin, ndoshta më e lehtë se nga eleminatoret ku dy skuadrat e vazos së parë janë gjithnjë favorite. E megjithatë, Bajrami qendron me këmbë në tokë: “E dimë që kemi skuadër të fortë, por nuk është e lehtë ta arrish objektivin, edhe pse mungon në grupin tonë Rusia, që konsiderohet ekip shumë i forte”.
https://youtu.be/q273Lm6eRMM