Billie Eilish dhe aktori Matthew Tyler Vorce janë ndarë.
Vorce konfirmoi se ai dhe këngëtarja e “Happier Than Ever” i kishin dhënë fund lidhjes, ndërsa adresoi thashethemet se ai e kishte tradhtuar në një Instagram Story.
“Askush nuk tradhëtoi askënd. Marrëdhëniet përfundojnë. Krijimi i thashethemeve dhe gënjeshtrave në internet është i rrezikshëm”, ka shkruar ai.
Në një postim tjetër, aktori dukej se adresoi reagimin e ashpër nga fansat e Eilishit duke shkruar: “Fakti që mijëra njerëz marrin kohë nga dita e tyre për të shkruar gjërat më të neveritshme për dikë që nuk do e njohin kurrë, gjëja më frikacake që mund të bëni. Jetoni jetën tuaj.”
Dyshja fillimisht ndezën thashethemet për lidhje në prill 2021, kur ata u fotografuan në një kafe në Santa Barbara, Kaliforni.
Në kopertinën e saj të Rolling Stone që u publikua atë qershor, Billie foli se sa më mirë u ndje pas turneut të saj për ‘When We All Fall Asleep, Where Do We Go?’kur u nda me të dashurin e saj të atëhershëm Brandon Adams.
“Unë isha e entuziasmuar” tha ajo për atë kohë. “U ndjeva tamam si ajo që isha. Gjithçka rreth meje ishte pikërisht ashtu siç duhej të ishte. Ndihesha sikur po bëhesha më mirë. U ndjeva më e lumtur se kurrë. Dhe u përpoqa ta vazhdoja këtë.”Ajo gjithashtu përshkroi se si kishte mësuar të jetonte vetë.
Në të njëjtën kohë që doli kopertina e Rolling Stone e artistes, Matthew kërkoi falje publike për përdorimin e gjuhës “fyese” në mediat sociale në të kaluarën.
“Dua të kërkoj falje për gjërat që kam shkruar në mediat sociale në të kaluarën. Gjuha që përdora ishte lënduese dhe e papërgjegjshme dhe e kuptoj sa ofenduese janë ato fjalë,” shkroi ai. “Pavarësisht nëse ishte një citim nuk ka rëndësi.”
“Më vjen turp dhe thellësisht keq që i kam përdorur në çfarëdo konteksti.Unë nuk duhet ta kisha përdorur këtë gjuhë në radhë të parë dhe nuk do ta përdor më. Më vjen shumë keq për lëndimin që kam shkaktuar. Marr përgjegjësinë e plotë dhe vazhdoj të mbaj përgjegjësi për veprimet e mia.”
Kërkimi i faljes erdhi pas postimeve në Twitter dhe postimeve në Facebook ku ai dyshohet se përdorte gjuhë fyese dhe sharje për zezakët dhe homoseksualët./Lapsi.al