Një sezon i gjatë i futbollit, uli siparin me finalen e Kupës së Shqipërisë dhe festën e Vllaznisë bashke me performancën pozitive të Juxhin Xhajës, që në një farë mënyrë përligj vlerësimin që Shefi i sektorit të garave, Sokol Jareci, ka për arbitrat shqiptarë, në një sezon të paprecedentë. Sigurisht që gabime ka patur, thirrja e korigjimet me VAR nuk kanë munguar. Madje ka ptur edhe kontestime e pakënaqësi për vonesën në vendmmarrje, por duke patur parasysh se flitet për debutimin e teknologjisë në kampionatin tonë, atëherë gota është gjysëm plot: “Duhet të kemi parasys se si sezon i parë gjërat kanë kaluar pritshmërinë tonë – shpjegoi Jareci pwr RTSH Sport-. Është ndërhyrë vetëm në aksione të rëndësishme e jo raste të panevojshme, por është e vërtetë se në shumë raste është dashur një kohë e gjatë për të marrë një vendim. Kjo është dicka që ne e kemi për detyrë ta rregullojmë sa më shpejt në sezonin e ri”
Si për të konfirmuar fjalët e thëna nga Jareci, edhe nga FIFA ka ardhur vlerësimi jo përmes fjalëve por me numër ndeshjesh për Enea Jorgjin, Juxhin Xhajën e Eldorjan Hamitajn, emrat përfaqësues shqiptarë të arbitrimit ndërkombëtar. Ndërkohë, në fund të vitit do të bëhen konfirmimet e stemave të FIFA-s, që do të propozohen në tetor, ku shpresohet të rritet numri i arbitrave shqiptar në 4, me Latën një prej kandidatëve të fortë, edhe pse i takon institucionit që qeveris futbollin botëror të vendosë: “Ne tentojmë gjithë të rrisim numrin e arbitrave tonë ndërkombëtarë, por pas propozimeve tona i takon FIFA-s të vendosë. Edhe për këtë vit ne do të propozojmë edhe një arbitër të katërt, por duhet patur parasysh se numri 3 nuk është i vogël për një vend si Shqipëria”, përfundoi Jareci, duke shtuar se tashmë pritet përpunimi i shifrave të efektivitetit të VAR, për një panoramë më të saktë se sa herë ka ndërhyrë teknologjia dhe cili ka qenë rezultati në ndihmë të arbitrave.