• |
ide | kryesore

Dënim me vdekje për përdorim narkotikësh: ja çfarë rrezikojnë tifozët që mbajnë kokainë në Katar 2022

-Instant, Sport

Zero tolerancë në Katar ndaj drogës. Tifozët mund të jenë në telashe serioze nëse kapen në zotërim të substancave të paligjshme, si kokaina, sepse rrezikojnë dënimin me vdekje. Tifozët janë të paralajmëruar. Sipas ligjit n. 9 të vitit 1987 për kontrollin dhe rregullimin e substancave narkotike dhe substancave të rrezikshme psikotrope, personat që kontrabandojnë drogë në vend rrezikojnë 20 vjet burg dhe gjobë nga 100,000 (rreth 25,000 euro) deri në 300,000 rial (rreth 75,000 euro). Megjithatë, shkelësit e përsëritur mund të dënohen me vdekje, ose me burgim të përjetshëm.


Në kontinentin europian ka nga ata që tashmë i kanë paralajmëruar tifozët e tyre. Qeveria e Mbretërisë së Bashkuar, për shembull, ka informuar udhëtarët britanikë për ligjet e rrepta të Katarit dhe masat e sigurisë në fuqi, pas hyrjes.


Në faqen e internetit të qeverisë thuhet: “Ka zero tolerancë për veprat penale të lidhura me drogën. Dënimet për përdorimin, trafikimin, kontrabandën dhe mbajtjen e drogës janë të rënda. Ndëshkimi mund të përfshijë dënime të gjata me burgim, gjoba të rënda dhe dëbim. Aeroporti përdor teknologjitë më të fundit të sigurisë, të gjitha bagazhet skanohen dhe pasagjerët tranzit, që transportojnë edhe sasi të vogla droge mund të arrestohen”.

Jo vetëm barnat, por edhe ilacet me recetë mund të jenë problem: “Disa barna me recetë dhe pa recetë mund të jenë substanca të kontrolluara në Katar. Nëse keni nevojë të sillni medikamente të kontrolluara/me recetë në Katar, sigurohuni që të sillni recetën e mjekut tuaj zyrtar, shënimin e spitalit ose një letër nga mjeku juaj i përgjithshëm, duke specifikuar ilaçin, sasinë e përshkruar dhe dozën. Ky shënim ose letër duhet gjithashtu të jetë i nënshkruar nga mjeku/konsulenti dhe i vulosur nga spitali ose klinika”.

Lini një Përgjigje

Adresa juaj email s’do të bëhet publike.