Koha e mirë duket që në mëngjes. Djaloshi Adriano Carvalho, i biri i ish-sulmuesit të Interit, luan për Serrano FC, një klub i Petropolis në shtetin e Rio de Janeiros, i cili luan në divizionin e tretë të kampionatit Carioca. Djali 15-vjeçar ka treguar se është gati të ndjekë hapat e të atit duke shënuar një tregolësh në ndeshjen kundër Serra Macaense: goli i parë është një kryevepër e vërtetë nga distanca, ndërsa të tjerët janë dy gola nga një sulmues tipik i zonës së penalltisë. Vetë Adriano ka festuar arritjet e të birit me një postim në Instagram, duke e quajtur djalin “krenaria e tij”.