Në kuadër të vazhdimit të operacionit “Plumbi i artë” Forcat RENEA kanë zbarkuar në Elbasan dhe Peqin ku kanë shoqëruar Klemend Xhaferrin i njohur si Kel Çami.
Kel Çami njihet edhe si Shok i Talo Çeles.
Ai u kap nga RENEA tek tregu Ushqimore. Xhaferri është shoqëruar teksa ishte duke lëvizur me makinën e tij në qytet.
Kel Çami lëvizte me 2 persona të tjerë për të cilët nuk dyshohet se janë të përfshirë në ngjarjen e vrasjes së Pjerin xhuvanit.
Burime konfirmojnë se ndaj Kelmend Xhaferrit ka më shumë se 1 muaj e gjysmë që çështja penale është mbyllur, pasi është vërtetuar se ai nuk ka qëlluar ditën që u vra mjeku psikiatër dhe se nuk ka pasur lidhje me ngjarjen.
Burimet bëjnë me dije se Prokuroria e Elbasanit ka administruar të gjitha pamjet filmike të momentit kur është vrarë Xhuvani dhe ka arritur në konkluzionin se Xhaferri nuk ka pasur lidhje me ngjarjen.
Ndërhyrja e RENEA ne Elbasan është kryer me shpresën e kapjes se Talo Çeles, Suel Çeles, Kamer Mehjes dhe Gentian Sharrës.