• |
ide | kryesore

Reja çon në shtëpi 11 lojtarë: kundër Estonisë ndryshon gjithçka, thirren pesë lojtarë të rinj

-Instant, F1, Sport

Impakti në këtë edicion të Nations League nuk ka qenë ai i shpresuari me një barazim e një humbje që nuk janë absolutisht ato që mendonin e besonin të gjithë, madje edhe vetë Reja. E megjithatë, dëmi është bërë dhe tani të hënën, miqësorja me Estoninë do të shërbejë më shumë si një kurë për plagët që la pas kompeticioni që për Shqipërinë ka shumë rëndësi. Kërkohet një fitore, që do të shërbente për moralin dhe për ti dhënë pak qetësi e besim një skuadre të goditur rëndë në ndërgjegje, një skuadre që është koshiente se po gabin e një trajneri që nuk po arrin të evitojë ato që shpesh i konsideron gabime të pakuptueshme.


Kombëtarja shqiptare rikthehet në stërvitje pas ndeshjes së Ligës së Kombeve ndaj Izraelit dhe po përgatitet për miqësoren e 13 qershorit me Estoninë. Skuadra do të zhvillojë një seancë stërvitore pasditen e sotme në kompleksin Tropikal në Durrës, ndërkohë që do të ketë ndryshime në listën e lojtarëve të gatshëm për ndeshjen e tretë të qershorit.


Departamenti i Komunikimit në FSHF bën me dije se futbollistët Etrit Berisha, Nedim Bajrami, Ivan Balliu, Kristjan Asllani, Klaus Gjasula, Berat Gjimshiti, Sokol Cikalleshi, Bekim Balaj, Ardian Ismajli, Marash Kumbulla dhe Kastriot Dermaku do të largohen nga grumbullimi dhe nuk do të jenë të gatshëm për sfidën me Estoninë. Ndërkaq, me ekipin janë bashkuar edhe pesë lojtarët e rinj të ftuar së fundmi, Arbnor Muçolli, Jon Mersinaj, Enis Çokaj, Simon Simoni dhe Kevin Haveri.

Ndryshimet janë bërë në mënyrë që stafi teknik dhe t’i jap minuta loje futbollistëve që nuk janë aktivizuar në dy ndeshjet e Ligës së Kombeve si edhe për të provuar sa më shumë të rinjtë. Të dielën Kombëtarja do të zhvillojë edhe seancën zyrtare dhe konferencën për shtyp para miqësores më Estoninë, që luhet të hënën në stadiumin “Air Albania”, ora 18:00.

Më poshtë edhe lista e lojtarëve që do të jenë prezentë për këtë ndeshje:

Elhan Kastrati
Gentian Selmani
Simon Simoni
Frederic Veseli
Elseid Hysaj
Enea Mihaj
Erjon Hoxhallari
Kevin Haveri
Amir Abrashi
Ylber Ramadani
Taulant Seferi
Myrto Uzuni
Giacomo Vrioni
Armando Broja
Enis Çokaj
Jon Mersinaj
Arbnor Muçolli
Endri Çekiçi
Ermir Lenjani


1 Comment

Lini një Përgjigje

Adresa juaj email s’do të bëhet publike.