Në Bergamo ka një dëshirë të madhe për t’u kthyer të rëndësishëm. E për ta bërë këtë, sipas korrespondentit argjentinas të ESPN, Gustavo Yarroch, ideja e fundit e çmendur quhet Luis Suarez. Sulmuesi uruguaian do të jetë i lidhur me Atletico Madrid deri më 30 qershor dhe do të donte të qëndronte akoma në Evropë. Edhe pse në kartën e identitetit shkruhet 35 vjec, në fakt “Pistolero” mbetet gjithmonë një sulmues i jashtëzakonshëm. Ai që di të shënojë dhe mund të jetë shumë i dobishëm për Dea-n, veçanërisht nëse Muriel do t’i shitej ofertuesit më të lartë. Një injektim luksi që do të rriste përvojën dhe normën teknike të skuadrës së Gasperinit, por edhe kostot. Ajo që tremb Atalantën, për momentin, është pagesa e Suarez: mbi gjashtë milionë euro në sezon.
Paga e Suarezit është e rëndë për Atalantën, por, duke pasur parasysh moshën e lojtarit dhe ardhjen e partnerit të ri amerikan që do të mbështesë Percassin, nuk përjashtohen befasitë. Pas një sezoni të komplikuar, në fund të fundit, në Bergamo ekziston dëshira për t’u rikthyer menjëherë për të luftuar për një vend në Champions League dhe për ta bërë këtë “Pistolero” mund të jetë arma e duhur.
Drejtuesit zikaltër po monitorojnë me kujdes situatën për të kuptuar nëse ka hapësirë për negociata me sulmuesin e Celestes, i etur për të qëndruar dhe luajtur në Evropë, për t’u përgatitur sa më mirë në funksion të Kupës së Botës në Katar në fund të vitit 2022. Sigurisht që duhet mposhtur konkurrenca e ashpër për të bërë goditjen e madhe, sidomos atë të River Plate, një tjetër klub shumë i interesuar për të siguruar golat e ish-sulmuesit të Liverpool dhe Barcelonës.