Detaje të reja në lidhje me 67-vjeçarin Petraq Gjika, që u gjet sot i pajetë në një serë perimesh në fshatin Mbrostar Ura, kanë dalë në dritë. 67-vjeçari sipas policisë së Fierit është roja e serave dhe mbi të janë gjetur shenja të mjeteve prerëse. Mësohet se 67-vjeçari Gjika është sulmuar me thike edhe më parë. Ka qenë korriku i vitit 2018 kur ai është sulmuar me thikë nga një person teksa ishte duke pirë kafe në lokal, pranë vendit të punës. Në atë kohë 63 vjeç, Gjika mbërriti në spital i gjakosur, por arriti të mbijetonte.
Gjika i shpëtoi asaj ngjarje, por fatkeqësisht sot, në një rast të dytë të ngjashëm ai ka ndërruar jetë. Nuk dihet nëse dy ngjarjet kanë lidhje me njëra-tjetrën, por policia po vijon hetimet për ngjarjen.