• |
ide | kryesore

VIDEO/ Shakaja pa kripë e Ramës shkakton zemërim në Maqedoninë e veriut

-Instant, Arkiva, Lajme, Të fundit



“Ky është kryeministri i ardhshëm i Bullgarisë perëndimore”. Ishte kjo batuta e kryeministrit shqiptar Edi Rama për kryeministrin e Maqedonisë së Veriut Dimitar Kovacevski në samitin e Selanikut për t’u dukur interesant përpara kancelarit të Gjermanisë, Olaf Scholz. Krerët e qeverive qeshën në atë moment, por një ditë më pas ka pasur reagime të forta në Shkup.

Kreu i partisë më të madhe të opozitës, VMRO-DPMNE-së, Hristijan Mickoski doli në një konferencë për shtyp, duke ngritur zërin kundër gjithë çfarë kishte ndodhur. Madje i kërkoi dorëheqjen kryeministrit Dimitar Kovaçevski.

“Nëse me Zaev, Maqedonia arriti fundin, tani me Kovaçevskin e theu. Publiku maqedonas dëshmoi dje një faj të paparë ndërkombëtar. Dje pamë se si Dimitar Kovaçevski e ka tejkaluar Zoran Zaevin në çdo mënyrë duke shkelur dinjitetin dhe dinjitetin e vendit përmes turpit në skenën publike ndërkombëtare.

Jo vetëm poshtëruese fjalët me të cilat Maqedonia u turpërua dhe u ofendua në një takim ndërkombëtar para liderëve ballkanikë dhe kancelares gjermane, por edhe më shumë që Kovaçevski e ndoqi të gjitha me të qeshura dhe miratim të papërshtatshëm.

Dje kur u prezantua si kryeministër i Bullgarisë së ardhshme perëndimore, Kovaçevski po të kishte një gram dinjitet do të reagonte në mbrojtje të vendit të tij, të cilin e përfaqëson dhe për të cilin merr rrogë nga qytetarët dhe jo duke qeshur e gëzuar.

Çfarë ka për të qeshur dhe për t’u gëzuar zoti Kovaçevski? Dinjitetin ose e ke ose nuk e ke fare. Kur nuk e ke, atëherë sharjet dhe poshtërimet të dukën qesharake! Megjithatë, për popullin jo! Ndaloni poshtërimet e shtetit, papërgjegjshmërinë dhe grabitjen e popullit. Është e tepërt!”,- ka deklaruar Mickoski, pas së cilës edhe një herë ka bërë thirrje për protestë të madhe më 18 qershor para Qeverisë.

I zhgënjyer ka reaguar edhe kryetari i Komunës së Kumanovës, Maksim Dimitrievski duke thënë se shakaja e Ramës ishte e papranueshme dhe se ai duhet të kërkojë falje.

“Shakaja” e Ramës është e papranueshme, ai i ka borxh që t’i kërkojë falje kryeministrit dhe mbarë opinionit maqedonas. Kovaçevski në vend të buzëqeshjes duhet të kthejë me reciprocitet dhe të kërkojë falje. Heshtja është më shumë se një turp! Kështu mendoni për ndërtimin e një Ballkani të Hapur?,” – ka shkruar Dimitrievski.

Kjo ka nxitur reagimin edhe të kryeministrit Edi Rama, i cili është detyruar që të bëjë edhe një sqarim.

“Për të qeshur dhe qarë histeria e disave në Shkup ndaj kryeministrit Kovaçevski, pas publikimit të videos së duarshtrëngimeve me Kancelarin Scholz në Selanik, ku ironizova bllokadën e shëmtuar ndaj Maqedonisë së Veriut nga ana e Bullgarisë! Sherr mejhaneje mes tymit të qofteve🤮” – shkroi Rama në rrjetet sociale. ©LAPSI.al



12 Comments

  1. Car kari esht ky rama. Debil megalloman i nje shteti te fundit ne europe per cdo gje pervec cmimeve sillet sikur ja ka njeri nevojen. Ah mer idjot adoleshent i vonuar ngele ter jeten. Gomar e kalu gomarit qe duhet ulesh e mcifesh e jo ngrifesh si gjeli nmaj plenave.

  2. Atje ka reagime, jo si ketu qe nga shakate e rames dhjesin se qeshuri me zor.
    Rama i ka fal asetet e popullit shqiptar disa miqve te vet oligark qe fatkeqesisht firmosin , por mos harojne pasojar e mevonshme

  3. Ky eshte karaxhoz, analfabet,injorant. i pasjellshem dhe kur nuk di te sillet nxjer rdicka nga goja, sa per te thene dicka, dhe qesh vete si psikopat. E felliqi kete vend.O psikopat jep doreheqje,

  4. Po pse shaka iu duket ajo we tha? Po ky nuk eshte as humorist se po te ishte te pakten thoshim ja ditka te bej nje gje. Humor burgu. I frustruar qe Kancelari gjerman s’ia vari fare e uli ne fund te tavolines,flet si i marre. Bravo maqedonasve qe ankohen per kete mortje

  5. Ky eshte nje bastard i ndyre, nje qenie pa shtylle kurrizore, por perfaqesuesi me i denje i atyre 700 mije shqipove qe e kane votuar. Kujton se drejtimi i nje vendi apo mardheniet nderkombetare jane lojra dhe shaka kalajmash. Ngaqe ka bere shqiperine nje vend qesharak, plot me Kajmake dhe drejtues qoftexhinj, kujton se mund te sillet kudo si sharlatan, pasi ka bere budallikun ka kurajen dhe del e llomotit per mejhane qoftoresh qendrimin serioz te liderve te vendeve te tjera. Ky person as nje oraginazte joqeveritare nuk duhej te perfaqesonte jo me postin me te rendesishem te nje vendi. Shqiperi hesapi!Mjerane!

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *