Një 43-vjeçar ka mbërritur i plagosur gjatë ditës së djeshme në spitalin rajonal të Beratit, duke pretenduar se ishte vetëdëmtuar me thikë. Por pas hetimeve të policisë ka rezultuar se shtetasi Valter Braho ka qenë i plagosur me armë zjarri, dhe për ngjarjen është shpallur në kërkim shtetasi Andrea Ajasllari, shok me 43-vjeçarin. Ngjarja dyshohet se ka qenë aksidentale.
Për shkak se ka dhënë dëshmi të rreme dhe ka tentuar që të fshehë ngjarjen, policia ka arrestuar vetë personin e plagosur.