Një e moshuar është gjetur e mbytur në një kanal afër një kantieri ndërtimi në Peqin. Dyshohet se 81-vjeçarja M. T., është mbytur në një kanal vaditës. Policia njofton se për të moshuarën ka bërë kallëzim nipi i saj në komisariatin e policisë Peqin .
33-vjeçari kishte denoncuar se e moshuara ishte larguar nga banesa e nuk ishte kthyer më. Dyshohet se e moshuara vuante nga shendeti mendor. Ndërkaq policia ka nisur punën për zbardhjen e plotë të rrethanave të ngjarjes.