Një person është arrestuar dhe një tjetër është shpallur në kërkim pasi akuzohen për disa vjedhje të motorrave në zonën e Laprakës. Policia njofton se ka vënë në pranga sot shtetasin me inicialet Ç.V. Sipas njoftimit zyrtar, mësohet se i riu ka kryer veprën penale në bashkëpunim me shtetasin R.J i cili është shpallur në kërkim.
“Këta dy shtetas, në bashkëpunim me njëri-tjetrin, dyshohet se kanë vjedhur disa motomjete, në zona të ndryshme të Laprakës. Nga tërësia e veprimeve hetimore ka rezultuar se janë autorë të disa vjedhjeve, konkretisht:
- Më datë 22.02.2021, në oborrin e një spitali, dyshohet se kanë vjedhur motomjetin e shtetasit E. S.;
- Më datë 28.02.2022, në rrugën “Lord Bajron”, dyshohet se kanë vjedhur motomjetin e shtetasit K. Sh.;
- Më datë 14.06.2022, në rrugën “Mahmut Fortuzi”, dyshohet se kanë vjedhur motomjetin e shtetasit B. J.”, thuhet në njoftimin e policisë.