Chris Hemsworth ka folur së fundmi për performancën e tij në Marvel’s Thor: The Dark World.
Në një video të re nga Vanity Fair, të postuar këtë javë, Hemsworth, i referohet karrierës së tij si aktor.
Kur reflektonte për vazhdimin e Thor, aktori i cili luan personazhin e titullit, deklaroi se nuk ishte “i kënaqur” me performancën e tij në blockbuster.
“Isha pak i zhgënjyer nga ajo që kisha bërë”, u shpreh ai. “Nuk mendoja se e rrita personazhin në asnjë mënyrë, nuk mendoja se i tregova publikut diçka të papritur dhe të ndryshme”.
Kur erdhi koha për pjesën e tretë më vete të historisë së Thor-it, Hemsworth tha se po kërkonte t’i ndryshonte gjërat.
“Kur Ragnarok erdhi, nga lloji im i zhgënjimit për atë që kisha bërë – dhe kjo nuk është për ndonjë regjisor apo askënd tjetër, kjo është për performancën time – unë me të vërtetë doja të bëja më të mirën,” shtoi ai.
“Unë ia thashë këtë Taika Waititi :‘Jam vërtet i mërzitur nga Thor’. Dhe ai tha, “Po, unë jam vërtet i mërzitur nga Thor gjithashtu,” Dhe më pas vendosëm të mos mërziteshim dhe sa herë që kjo ndjenjë të vinte në lojë, ne do të shkonim në një drejtim tjetër.”
Aktori vazhdoi, “Ne thjesht e shpërbëmë personazhin, donim që ai të ishte pak më i paparashikueshëm, donim që ai të ishte një grup rrethanash të ndryshme nga sa kishte qenë më parë dhe gjithashtu të dilte në pah humori”.
Hemsworth do të rikthehet si Thor në filmin e ardhshëm Thor: Love and Thunder, i cili do të dalë në kinema më 8 korrik./Lapsi.al