Pole position në GP e Kanadasë, etapa e nëntë e Kampionatit Botëror të Formula 1, shkon për Max Verstappen. Holandezi i ekipit të Red Bull fluturon në lagështirën e pistës së Montrealit dhe pushton vijën e parë përpara një Alpine surprizuese të drejtuar nga Fernando Alonso, që pas FP3 të shkëlqyer konfirmohet edhe në kualifikuese. Vija e dytë dhe pozicioni i tretë në rreshtim për Carlos Sainz, i cili do të startojë përpara Mercedesit të Lewis Hamilton.
Me Leclerc që do të niset nga vija e fundit për shkak të ndryshimit të njësisë në Ferrarin e tij, kualifikueset për GP e Kanadasë në Montreal emocionojnë deri në sekondën e fundit, duke dhënë konfirmime dhe shumë surpriza në një fundjavë gare që premton të jetë e çmendur. Për të rrëmbyer vendin e parë, i pafundimi në sezonin dhe karrierën e tij, ishte Max Verstappen, i cili me Red Bull-in e tij bën më të mirën në pistën e lagësht të “Gilles Villeneuve”. Holandezi, i cili xhiroi shumë shpejt në 1:21.299 duke shtyrë deri në fund, i dha vetes kënaqësinë e të qenit ‘poleman’ i ri i pistës kanadeze pas 16 vitesh superfuqi të nënshkruar nga Hamilton, Vettel dhe Alonso. Pikërisht Alonso, vazhdoi me formën e shkëlqyer të parë në FP3, duke u konfirmuar dhe befasuar me një vijë të parë që askush nuk e priste. Makina e tij Alpine premton mirë për spanjollin, që do të përpiqet që në kthesën e parë të trembë Verstappen në një garë që, nëse moti e lejon, premton të jetë plot emocione.
Nga kthesa e parë do ta provojë edhe Carlos Sainz, i cili do të startojë nga vija e dytë në kutinë e tretë përkrah Leëis Hamilton. Për madrilenin pati ndonjë gabim në finalen e Q3 që e bënë të zbehte një vijë të parë dhe një pole position që mund të rrëmbehej, por shumë besim për forcën e F1-75 që me njësinë e re të fuqisë mund të bëjë mirë.
