Zinedine Zidane fryu 50 qirinjtë në tortën e ditëlindjes dhe, si verën e kaluar, e festoi si i papunë. Kampioni i trefishtë i Europës në krye të Real Madrid është një trajner luksi i lirë, por nëse nuk është rikthyer ende në pankinë me gjithë interesimet e shumta të klubeve, ka vetëm një arsye: ai dëshiron të bëhet trajner i Francës. “Do të ishte gjëja më e mirë që ekziston – komentoi Zizou – Është objektivi im edhe pse nuk varet vetëm nga unë.”
“Një ditë do të jem trajner i Bleus, të paktën kështu shpresoj sepse është diçka që e dua shumë. Kjo nuk varet nga unë, por dua të mbyll rrethin me Francën sepse është gjithmonë brenda kokës time dhe nuk ka gjë më të mirë sepse është maja”. Sot kombëtarja është në rregull, por nëse paraqitet mundësia në të ardhmen, do të jem gati”.
🗞 "Avec les Bleus, ce n'est pas fini"
La une du journal L'Équipe ce jeudi 23 juin.
Retrouvez un entretien exceptionnel avec Zinédine Zidane à l'occasion des 50 ans du numéro 10 français. pic.twitter.com/ulh86wv4mQ— L'ÉQUIPE (@lequipe) June 22, 2022
Ndërkohë, ka pasur disa mundësi që Zidane të rikthehet në pankinë, nga ëndrra e Juventusit te Manchester United përmes PSG-së. Pikërisht për klubin parisien, Zizou – një marsejez – ka dyshime: “Kurrë mos thuaj kurrë, sidomos në ditët e sotme. Nuk ka asgjë në lojë, nuk është çështje aktualiteti, por sigurisht që nuk janë 50 klubet në të cilat mund të shkoj të stërvis”.