Familja e Tupac ka hapur së fundmi një restorant në qendër të Los Anxhelosit që do të zgjasë deri më 30 qershor.
Restoranti i cili është hapur në nder të reperit quhet Powamekka Café,dhe do të shërbejë drekë dhe darkë.
Sipas faqes së internetit të ushqimit Eater Los Angeles, ideja u konceptua nga vetë reperi i ndjerë në letrat që ai shkroi. Këto shënime u zbuluan nga familja e tij, të cilët që atëherë e kanë sjellë në jetë idenë. Tupac, i cili u qëllua për vdekje në lagjen e Las Vegasit në 1996, donte që restoranti — në partneritet me Fixins Soul Kitchen — të ishte “si një vend ku njerëzit do të ndiheshin si në shtëpinë e tyre.
Këto shënime përfshijnë gjithashtu atë që kishte në mendje reperi i “California Love” për sa i përket ushqimit — italian dhe “sanduiçët më të mirë në planet”.
Kjo nuk është hera e parë që një restorant pop-up Tupac hap dyert e tij. Sipas Eater, versione të ngjashme u hapën në qytetin e Nju Jorkut dhe Kaliforninë veriore./Lapsi.al