• |
ide | kryesore

Ukraina viktima e preferuar, vjen denoncimi i Shakhtar: “Menaxherët po na vjedhin lojtarët”

-Instant, Sport

Situata në Ukrainë, siç njihet tani fatkeqësisht, është shumë delikate. Në një kontekst të tillë tashmë është praktikisht e pamundur të mendohet për rikthimin në normalitet, e lëre pastaj për t’iu rikthyer të luajturit futboll. Kësaj i shtohet edhe vendimi i FIFA-s për të “liruar” lojtarët e huaj me kontratë me klubet ukrainase dhe ruse, që në fakt shkaktoi një fluturim masiv nga të dy vendet. E ka nga ata që po përpiqen të përfitojnë nga situata, siç denoncoi drejtori i përgjithshëm i Shakthar Donetsk, Sergei Palkin.


Në një prononcim shumë të ashpër në faqet e The Athletic, drejtori i Shakthar Donetsk Sergei Palkin ka dashur të denoncojë të gjithë ata që në një farë mënyre po përfitojnë nga situata që është krijuar në Ukrainë: “Të gjithë po përpiqen të përfitojnë nga kjo situatë, veçanërisht menaxherët e lojtarëve”, filloi ekzekutivi ukrainas. “Është një verë shumë e ndryshme nga të tjerat, ne nuk e gjejmë veten duke blerë lojtarë, por duke i shitur ata. Sinqerisht, çfarë mund t’i ofrojmë një futbollisti të huaj tani? Do të luajmë Champions League, por ende nuk e dimë se ku. Nëse arrijmë të luajmë kampionatin jashtë vendit, mund edhe të mbajmë ndonjë, përndryshe nuk kemi shanse, askush nuk do të vinte të luante në Ukrainë”.


“Disa menaxherë po përpiqen të na shkatërrojnë dhe të vjedhin lojtarët tanë – gjëmoi Palkin – ata kontaktojnë klubet e tjera dhe u thonë të mos na paguajnë sepse mund të prishin kontratat. Nuk mund ta imagjinoni se çfarë po ndodh. Disa sigurojnë se FIFA do të bëjë të mundur që të gjithë të huajt në Ukrainë mund të çlirohen nga kontratat, përpiqen të manipulojnë situatën”. Më pas ai ka bërë edhe një apel për FIFA-n: “Shpresoj që të mbajnë qëndrim dhe të na vijnë në ndihmë përndryshe do të ishte një katastrofë për futbollin ukrainas”. Apeli për momentin mbeti i padëgjuar, sepse “direktivat e reja e vendosin kompetencën për të vendosur pezullimin e kontratave në duart e menaxherëve”, siç shpjegoi me keqardhje vetë drejtori i Shakthar.

Lini një Përgjigje

Adresa juaj email s’do të bëhet publike.