• |
ide | kryesore

Drogë me vete dhe në banesë, arrestohet 23-vjeçari në Durrës

-Instant, Lajme, Të fundit

Policia ka vënë në pranga një 23-vjeçar në Durrës, i cili akuzohet për trafikim të lëndëve narkotike.


Blutë Durrësit i kanë gjetur të riut një sasi lënde narkotike gjatë kontrollit fizik dhe në banesë.


Sipas policisë, i arrestuari kishte për qëllim ta shiste lëndën narkotike

“Finalizohet operacioni policor i koduar “Check”.

Operacioni, i zhvilluar nga Seksioni për Hetimin e Trafiqeve të Paligjshme dhe Narkotikëve të DVP Durrës, në bashkëpunim me Stacionin e Policisë Plazh.

Mbante me vete dhe në banesë, një sasi lënde të dyshuar narkotike, kanabis, me qëllim shitjen e saj, arrestohet në flagrancë 23-vjeçari.

Sekuestrohet në cilësinë e provës materiale, lënda e dyshuar narkotike, kanabis.

Specialistët e Seksionit të Hetimit të Trafiqeve të Paligjshme dhe Narkotikëve të DVP Durrës, në bashkëpunim me Stacionin e Policisë Plazh, në vijim të punës për goditjen e veprimtarive kriminale në fushën e narkotikëve, si dhe në bazë të informacioneve të marra në rrugë operative, se një shtetas shpërndante lëndë të dyshuar narkotike kanabis, në lagjen nr.13, Durrës, menjëherë organizuan punën dhe finalizuan operacionin policor të koduar “Check”, në kuadër të të cilit u bë arrestimi në flagrancë i shtetasit:

-H. K., 23 vjeç, banues në lagjen nr.13 Durrës, për veprën penale “Trafikimi i narkotikëve”.

Gjatë kontrollit fizik dhe në banesën e 23-vjeçarit, të ushtruar nga shërbimet e Policisë, u gjet dhe sekuestrua, në cilësinë e provës materiale, një sasi lënde e dyshuar narkotike, kanabis.

Materialet i kaluan Prokurorisë pranë Gjykatës së Shkallës së Parë Durrës, për veprime të mëtejshme”, njofton policia.

Lini një Përgjigje

Adresa juaj email s’do të bëhet publike.