• |
ide | kryesore

Pas çunave “problematikë”, Damian Gjiknuri u flet “çunave të Londrës”: Keni marrë rrisqe, legalizoni paratë në Shqipëri!

-Instant, Arkiva, Lajme, Të fundit

Damian Gjiknuri, numri dy i Partisë Socialiste u ka bërë thirrje emigrantëve shqiptarë në Londër që të legalizojnë paratë e tyre në Shqipëri. Gjatë një vizite në Londër me deputetët Blerina Gjylameti dhe Lavdrim Krashi, Gjiknuri tha se ‘çunat e Londrës’ janë njerëz si të gjithë të tjerët dhe amnistia fiskale është mundësia e tyre perfekte për të legalizuar paratë e tyre në vendin tonë. Video e takimit u publikua nga ALB UK dhe mund ta shihni KETU.


“Nga ana tjetër ne po ndërmarrim një politikë tjetër shumë të guximshme. Shumë shpejt do miratojmë edhe ligjin për amnistinë fiskale. Unë e di shumë mirë realitetin. Njerëz këtu mund të punojnë me emra të tjerë, njerëz këtu mund të punojë dhe në të zezë, punojnë në firma ndërtimi, në bujqësi.
Kjo është një mundësi e mirë që qeveria shqiptare po e bën për të legalizuar, për të amnistuar të gjithë këtë para që vjen nga mundi i shumë shqiptarëve. Këtu në Londër shumë njerëz kanë ardhur dhe me identitet tjetër se ashtu që koha në vitet 90’. Nganjëherë kanë vështirësi për transfertat bankare për të ardhurat e tyre. Përse? Sepse autoritetet kërkojnë llogari. Janë burokraci, ka paragjykim. Se kështu është bota plot paragjykime. Jo erdhën këto çunat e Londrës, jo erdhën çunat e Londrës, pse more çfarë kanë çunat e Londrës?! Njerëz si të gjithë janë, janë njerëz që kanë marrë rrisqet e tyre, duan të ndërtojnë jetën e tyre. Kjo është një mundësi shumë e mirë. Përse? Sepse keni mundësi të legalizoni paratë tuaja dhe t’i investoni në Shqipëri me një pagesë minimale takse. Përveçse legalizimit të parasë tuaj kjo do krijojë domosdoshmërinë për të ndjekur investimet aty. Përse jo të blesh një pasuri në Shqipëri përse jo të ndërtosh një aktivitet ekonomik. Tashmë mundësitë janë shumë të mira dhe në agro-turizëm. Shumica juaj mbase këtu vijnë nga krahina të ndryshme të Shqipërisë”, theksoi Gjiknuri.
”- tha Gjiknuri ndër të tjera.


Amnistia fiskale/ Lavatriçe e parave të pista apo lehtësi për emigrantët?

Amnistia Fiskale është propozuar nga qeveria për konsultim publik dhe parashikon që kushdo mund të pastrojë deri në 2 milion euro përkundrejt një takse. Nga amnistia janë përjashtuar subjektet e OFL dhe ish zyrtarë të lartë, si deputetë ministra, prokurorë, gjyqtarë etj.

Opozita e ka kundërshtuar projektin sepse e shndërron Shqipërinë në një lavatriçe të parave të krimit, por Rama thotë se kësaj radhe do ta kalojë në parlament.

4 Comments

  1. Hë mër Gjiknur kë bën për budalla ti?! Dihet ajo që shumica janë lek droge dhe trafiku dhe ju doni të merrni përqindjen tuaj…. ëë ?!!

    Nga ke ngjar kështu ti mor buçko, se babanë e ke pasur burrë të mirë ?!

    Q r 🙂

  2. Si me hashashin, i lane vitin e pare te punojnë, sapo doli nami u turrën te gjithe vitin e dytë. Aty i hyni Saj Tahiri me policinë e shtetit. U vodhen te gjithë hashashin për te financuar zgjedhjet parlamentare.
    Një herë bje macja ne kos.

  3. ATO NUK KAN ME CA TE VIJN NGA LONDRA SE NE AEROPORTIT FLATRAT E VERIUT VETEM MIZA FLUTUROJSHIN BILES KOM PUNTORI NUK U DUKTE JO MO AVION . KAM KALU PARA 3 A 4 DIT PER E SHKU E BUSHTRICE

Lini një Përgjigje

Adresa juaj email s’do të bëhet publike.