Së fundmi u shfaq një raport që pretendonte se aktori po punonte për një marrëveshje prej 301 milionë dollarësh për t’u rikthyer në ekskluzivitetin e filmit Pirates of the Caribbean.
“Disney është shumë i interesuar të rregullojë marrëdhënien e tyre me Johnny Depp”, tha një burim për PopTopic afër katër vjet pasi aktori u nda nga Disney. “Ata kanë shumë shpresë se Johnny do t’i falë ata dhe do të kthehet si personazhi i tij ikonë.”
Mirëpo, ky lajm u hodh poshtë nga një përfaqësues i aktorit i cili i tha NBC News, “Kjo është e sajuar”.
Depp luajti kapitenin Jack Sparrow në të pesë filmat, ku i fundit ishte filmi i vitit 2017 Pirates of the Caribbean: Dead Men Tell No Tales.
Në maj, producenti i Pirates, Jerry Bruckheimer, i cili tani po punon në dy filma të tjerë, u pyet nëse Depp do të kthehej për projektet e ardhshme. “Jo në këtë pikë,” tha ai për The Sunday Times. “E ardhmja ende nuk është vendosur”.
Komentet u bënë kur aktori ishte në mes të gjyqit të tij për shpifje kundër ish-Amber Heard. Gjatë gjyqit, ai deklaroi se nuk ka interes të kthehet për më shumë filma Pirates.
Në një moment, avokati i Heard, Ben Rottenborn e pyeti “Fakti është, zoti Depp, nëse Disney do të vinte tek ju me 300 milionë dollarë , asgjë në këtë tokë nuk do t’ju shtynte të ktheheshit dhe të punonit me Disney në një film tjetër pirates? E saktë?”
Depp u përgjigj: “Kjo është e vërtetë, zoti Rottenborn.”
Një juri e Virxhinias më vonë vendosi se Amber kishte shpifur për Johnny.
Juria i dha atij 10 milionë dollarë si dëmshpërblim dhe 5 milionë dollarë për dëmshpërblim. Gjykatësja e Gjykatës së Qarkut Fairfax, Penney Azcarate, më vonë e zvogëloi dëmin ndëshkues duke e bërë dëmin e tij total më pak se 10.4 milionë dollarë.Sa i përket kundërpadisë së aktores, juria i dha 2 milionë dollarë si dëmshpërblim./Lapsi.al