Një sasi eksplozivi ka shpërthyer pranë një servisi makinash në Ishull Shëngjin gjatë orëve të natës. Shpërthimi ka ndodhur në një servis makinash, në pronësi të Toli Mhilli. Për pasojë mësohet se ka pasur dëme materiale, xhama të thyer. Gjithashtu është dëmtuar një automjet që ishte i parkuar në oborrin e biznesit në fjalë.
Grupi hetimor vazhdon veprimet hetimore për sqarimin e plotë të rrethanave e motivit të ngjarjes, si dhe identifikimin dhe kapjen e autorit.