Shpërthime te fuqishme janë raportuar rreth orës 03:00 të mëngjesit të sotëm në perimetrin e aeroportit të Melitopolit, një qytet në juglindje të Ukrainës.
Melitopoli është pushtuar nga ushtria ruse e cila ka vendosur trupat e Federatës.
Shpërthimi u raportua nga Ria Melitopol duke publikuar video dhe foto.
Një kolonë e madhe tymi është ngritur mbi zonën e aeroportit.
Pasojat e sulmit janë të dukshme edhe dhjetëra kilometra larg Melitopolit.
Civilët nuk kanë qenë në gjendje të hyjnë në strehimore, sepse forcat ruse i kanë mbyllur të gjitha, raportojnë mediat ukrainase.
Shumë prej tyre po përpiqen të largohen nga qyteti.