• |
ide | kryesore

Lojtari misterioz i Tiranës i bllokuar nga kontrata: duhet të thyejë raportet me klubin grek, për tu veshur bardheblu

-Instant, Sport



Largimet e rëndësishme në qendër të mbrojtjes të lojtarëve si Hoxhallari e Muca kanë lënë një vakum që Tirana nuk e mbush dot me Besir Isenin. E kështu, përpjekjet për të vënë nën kontratë një lojtar të rëndësishëm për të kompletuar repartin që ka tashmë Najdovskin e Behiratche të konfirmuar vazhdojnë akoma. Në tavolinën e kampionëve të Shqipërisë, profili më sugjestionues vjen nga kampionati grek, me klubin që nuk zbulon asgjë në lidhje me identitetin e lojtarit, për një motiv të thjeshtë: negociatat janë të komplikuara nga kontrata që lojtari ka me klubin e tij aktual.

Sipas asaj që filtron nga kryeqytetasit, futbollisti është shqiptar dhe i është vetë-ofruar Tiranës, duke kërkuar madje nga klubi t’i dërgojë një kontratë zyrtare. Puna është se 24 vjecari është nën kontratë edhe për një vit me klubin grek dhe Tirana i ka bërë të qartë se duhet të zgjidhë situatën kontraktuale atje, përpara se të firmosë për bardheblutë. Në këtë pikë, tratativat janë në një fazë pritje me lojtarin që ka besimin se mund të marrë zgjidhjen e kontratës me mirëkuptim dhe të bëhet pjesë e kampionëve të Shqipërisë përpara debutimit në Champions kundër Dudenlange.

Një skenar që sigurisht do t’i rrinte shumë mirë Tiranës dhe Shehit që do të kishte një element të rëndësishëm për të formuar treshen e qendrës nëse vendos të luajë me 3-5-2 e tij, apo të ketë frymëmarrje për Najdovskin e Behiratche në rast të 4-3-3 e preferuar e të përdorur shumë shpesh gjatë sezonit të kaluar. Problemi i vetëm është koha, të paktën për aventurën europiane, sepse kundër luksemburgasve luhet në 6 korrik, ndërsa për startin e sezonit Shehi është i sigurtë se do të ketë në dispozicion lojtarët e duhur…



Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *