I dyshuari për të shtënat masive të së hënës në një paradë të 4 korrikut në Highland Park, Illinois, që la shtatë të vdekur dhe plagosur më shumë se dy duzina, është akuzuar për shtatë akuza për vrasje të shkallës së parë. I dyshuari, 21-vjeçari Robert E. Crimo III, akuzohet se ka qëlluar 70 plumba nga një armë me fuqi të lartë mbi turmën dhe është maskuar si grua në mënyrë që të mund të arratisej së bashku me njerëzit që vraponin.
Në shtëpinë e tij janë gjetur edhe tre armë të tjera zjarri. Policia tha se i dyshuari kishte pasur dy kontakte të mëparshme me forcat e rendit, por ka qënë në gjendje të blinte pesë armë gjatë vitit të kaluar. Policia e shtetit të Illinois tha se babai i Crimo sponsorizoi aplikimin e tij për licencë për armë zjarri në dhjetor 2019, kur ai ishte vetëm 19 vjeç. Por xhaxhai i tij e mohoi këtë në një deklaratë për Chicago Sun. Në prill 2019, policia u thirr në shtëpinë e tij një javë pasi ai u raportua se u përpoq të vriste veten. Dhe në shtator 2019, policia u thirr nga një anëtar i familjes i cili tha se kishte bërë kërcënime të dhunshme për të “vrarë të gjithë”. Policia u përgjigj dhe sekuestroi 16 thika, një kamë dhe një shpatë nga shtëpia e tij. Ai nuk u arrestua dhe nuk u ndërmor asnjë masë tjetër.