Champions League 2022/23 vlen 2.022 miliardë euro. Kjo do të jetë shuma totale e çmimeve që UEFA do të shpërndajë për 32 klubet pjesëmarrëse në kompeticionin më të lartë europian. Por si do të shpërndahen? Secili nga 32 klubet, që do të kualifikohen në fazën e grupeve, do të marrin 15.64 milionë euro. Për çdo ndeshje do të merren 2.8 milionë euro për fitore dhe 930.000 euro për barazim: shumat e pashpërndara (930.000 euro për barazim) do të grupohen dhe rishpërndahen mes klubeve që marrin pjesë në fazën e grupeve në raport me numrin e fitoreve. Midis kuotës fillestar dhe bonusit të performancës, kushdo që fiton Ligën e Kampionëve mund të marrë një maksimum prej 85.14 milionë euro.
Klubet që kualifikohen në fazën eliminatore do të marrin shumat e mëposhtme:
kualifikimi në fazën e 1/8: 9.6 milionë euro për klub;
kualifikimi në çerekfinale: 10.6 milionë euro për klub;
kualifikimi në gjysmëfinale: 12.5 milionë euro për klub;
kualifikimi në finale: 15.5 milionë euro për klub;
fitorja në finale: 4.5 milionë.
Përveç kësaj, dy klubet që kualifikohen për Superkupën e UEFA-s 2022 do të marrin secila 3.5 milionë euro, me fituesin 1 milionë euro shtesë.
Më pas duhen shtuar të ardhurat që rrjedhin nga renditja dhjetëvjeçare. Totali prej 600.6 milionësh është i ndarë në “kuota me koeficient” prej 1.137 milionë euro secila: skuadra e renditur më ulët merr vetëm një, skuadra e renditur në vendin e parë do të marrë 32 (ekuivalente me 36.38 milionë euro).
Së fundi, është market pool (300.3 milionë) i cili do të shpërndahet në bazë të vlerës së çdo merkato televizive të përfaqësuar nga klubet pjesëmarrëse në Ligën e Kampionëve të UEFA-s (nga faza e grupeve e tutje) dhe do të ndahet midis skuadrave pjesëmarrëse nga secila federatë. Gjysma e shumës që përfaqëson vlerën e çdo merkato do të ndahet mes skuadrave në bazë të rezultateve të tyre në kampionatin e mëparshëm kombëtar. Në këtë ndarje nuk përfshihet mbajtësi i trofeut të Champions League ose Europa League që nuk kualifikohet për në Champions përmes kampionatit. Gjysma tjetër e shumës që përfaqëson vlerën e secilit merkato do të paguhet në përpjesëtim me numrin e ndeshjeve të luajtura nga çdo klub në Champions 2022/23.
E fundit, por jo më pak e rëndësishme, përllogaritja për ndikimin e Covid: siç shpjegohet nga UEFA, nga shpërndarjet për klubet e sezonit 2022/23, do të zbriten 97.6 milionë euro në total, në raport me konkurrencën dhe në raport me të ardhurat e çdo klubi të vetëm.