• |
ide | kryesore

Lufta në Ukrainë, zbardhet telefonata e Erdogan me Putin dhe Zelenskyn

-Instant, Arkiva, Planet, Të fundit



Presidenti turk Rexhep Tajip Erdogan ka zhvilluar sot një bisedë telefonike me presidentin rus Vladimir Putin lidhur me situatën në Ukrainë.

Sipas Kremlinit zyrtar dy liderët shkëmbyen mendime mbi “koordinimin e përpjekjeve për të garantuar sigurinë e lundrimit në Detin e Zi dhe eksportet e grurit në tregjet botërore”.

Sipas leximit të presidencës turke, Erdogan ka theksuar se “është koha që Kombet e Bashkuara të ndërmarrin veprime në lidhje me formimin e korridoreve të sigurta përmes Detit të Zi”.

Ndërsa sipas Kremlinit dy udhëheqësit kanë diskutuar për “intensifikimin e mëtejshëm të bashkëpunimit ekonomik” në tregti dhe energji.

Megjithëse Presidenca turke nuk e ka përmendur forcimin e bashkëpunimit ekonomik midis Turqisë dhe Rusisë, Ankaraja ka shpjeguar se Turqia është e gatshme “të ofrojë të gjitha llojet e mbështetjes për ringjalljen e procesit të negociatave”.

Presidenti turk zhvilloi gjithashtu një telefonatë me homologun e tij ukrainas të hënën. Erdogan i tha presidentit ukrainas Volodymyr Zelensky se Turqia dëshiron paqen në Ukrainë dhe se po punon në mënyrë aktive në një plan të Kombeve të Bashkuara për të eksportuar grurë ukrainas në tregjet botërore, sipas një leximi nga presidenca turke.

Sipas zyrtarëve ukrainas, më shumë se 20 milionë tonë drithë mbeten të bllokuara në Ukrainë për shkak të bllokadës ruse të porteve të ndryshme të Detit të Zi.



2 Comments

  1. Pse ca do bënte?
    Si ka ardh kjo kohë ka ik koha e shpatës ka ardh koha e llapes.
    Gjithsesi me pelqen një turk pajton volodimirin me vladimirin.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *