• |
ide | kryesore

Tenderi për rrugën e vjetër Fier-Vlorë, fituese oferta 2 mln euro më e lartë

-Instant, Arkiva, Lajme, Të fundit

Tjetër skandal me tenderat autoritetet rrugor shqiptar. Për kontratën e Rehabilitimit të rrugës së vjetër Fier-Vlorë, institucioni i drejtuar nga Evis Berberi ka shpallur fituese të tenderit kompaninë që u rendit e katerta në garë, duke dhënë një çmim plot 2 milion euro më shumë se oferta më e mirë.


Sipas dokumenteve zyrtare te siguruara nga News24, tenderi ka pasur një fond limit prej rreth 7 milion euro, ndërsa në garë kanë marrë pjesë 6 operatorë.


Oferta më e mirë 4,47 milionë euro, është dhënë nga bashkimi i operatorëve SHKELQIMI 07 dhe FLED, por ARRSH ka përzgjedhur ofertën që është renditur e katërta dhënë nga kompania Cobial me një vlerë prej 6,56 milion euro. Diferenca mes dy ofertave është më shumë se dy milion euro.

Dyshimet për paracaktimin e fituesit janë të mëdha, pasi mes dy ofertave ka edhe 2 oferta të tjera më të leverdishme se ajo e Cobial. Thënë ndryshe ARRSH i është dashur që të skualifikojë 3 oferta, për të shpallur fituese kompaninë e cila e rendit e pesta për çmimin e ofruar. 2 milion euro shpërdorim në 7 milion euro, është e barabartë me 28% të vlerës së tenderuar. Skandali thellohet edhe më shumë pasi, për ofertën e kompanisë PE – VLA – KU, e renditur si e treta më e mirë, ARRSH nuk ka dhënë asnjë arsye skualifikimi apo pse nuk është shpallur fituese.


4 Comments

Lini një Përgjigje

Adresa juaj email s’do të bëhet publike.